needle in boy’s lung | సూది మింగిన బాలుడు.. లంగ్‌లో చిక్కుకోగా అయస్కాంతం ద్వారా బయటకు తీసిన వైద్యులు

needle in boy’s lung | ఒక బాలుడు ప్రమాదవశాత్తు సూదిని మింగాడు. ఆ సూది ఊపిరితిత్తుల్లోకి వెళ్లి చిక్కుకుంది. (needle in boy’s lung) తీవ్ర దగ్గు, రక్తస్రావంతో అత్యవసరంగా ఆసుపత్రికి తీసుకెళ్లిన ఆ బాలుడ్ని డాక్టర్లు కాపాడారు. లంగ్‌లోకి దిగిన నిడిల్‌ను అయస్కాంతం సహాయంతో బయటకు తీశారు.

న్యూఢిల్లీ: ఒక బాలుడు ప్రమాదవశాత్తు సూదిని మింగాడు. ఆ సూది ఊపిరితిత్తుల్లోకి వెళ్లి చిక్కుకుంది. (needle in boy’s lung) తీవ్ర దగ్గు, రక్తస్రావంతో అత్యవసరంగా ఆసుపత్రికి తీసుకెళ్లిన ఆ బాలుడ్ని డాక్టర్లు కాపాడారు. లంగ్‌లోకి దిగిన నిడిల్‌ను అయస్కాంతం సహాయంతో బయటకు తీశారు. దేశ రాజధాని ఢిల్లీలో ఈ సంఘటన జరిగింది. నవంబర్‌ 1న ఏడేళ్ల బాలుడు పొరపాటున కట్టుమిషన్‌ సూదిని మింగాడు. పెద్దగా దగ్గడంతోపాటు నోటి నుంచి రక్తం కారుతున్న ఆ బాలుడ్ని అత్యవసరంగా ఢిల్లీ ఎయిమ్స్‌కు తరలించారు.

కాగా, పరిశీలించిన డాక్టర్లు నాలుగు సెంటీమీటర్ల పొడవున్న నిడిల్‌ బాలుడి గొంతు నుంచి ఎడమ ఊపిరితిత్తులోకి వెళ్లినట్లు గుర్తించారు. లంగ్‌లోకి దిగిన ఆ సూది అక్కడ చిక్కుకున్నట్లు ఎక్స్‌రే ద్వారా తెలుసుకున్నారు. పీడియాట్రిక్ సర్జరీ విభాగానికి చెందిన డాక్టర్ విశేష్ జైన్, డాక్టర్‌ దేవేంద్ర కుమార్ కలిసి ఆ సూదిని ఎలా బయటకు తీయాలి అని దానిపై ఆలోచించారు. డాక్టర్‌ జైన్‌ వెంటనే చాందినీ చౌక్‌ మార్కెట్‌లోని ఒక వ్యక్తిని సంప్రదించారు. 4 మిల్లీమీటర్ల వెడల్పు, 1.5 మిల్లీమీటర్ల మందం ఉన్న అయస్కాంతాన్ని తెప్పించారు. క్లిష్టమైన ఎండోస్కోపిక్ ప్రక్రియ ద్వారా ఆ మ్యాగ్నెట్‌ సహాయంతో లంగ్‌లోకి దిగిన నిడిల్‌ను అతి సూనాయసంగా బయటకు తీశారు. వినూత్న పద్ధతిలో సర్జరీ నిర్వహించిన డాక్టర్లు ఆ బాలుడి ప్రాణాలు కాపాడారు.

మరోవైపు బాలుడి ఊపిరితిత్తులోకి దిగిన సూదిని సాధారణ శస్త్రచికిత్స ద్వారా బయటకు తీయడం చాలా కష్టమని ఎయిమ్స్‌ డాక్టర్లు తెలిపారు. ఒకవేళ మ్యాగ్నెట్‌ ఫోర్స్‌కు ఆ నిడిల్‌ స్పందించి రాకపోతే తీవ్ర శ్రమతో కూడిన సంప్రదాయ శస్త్రచికిత్స చేయాల్సి ఉండేదని చెప్పారు. కడుపుతోపాటు, ఊపిరితిత్తిని ఓపెన్‌ చేయాల్సి ఉండేదని దీంతో ఆపరేషన్‌ ప్రక్రియ మరింత కష్టంగా మారేదని డాక్టర్‌ జైన్‌ వెల్లడించారు.