Union Budget 2024-25 | హరియాణను విస్మరించిన బడ్జెట్‌..కమలం గుర్తును ప్రజలు విస్మరిస్తారు : దీపీందర్‌ హుడా

UnionBudget 2024 : నిర్మలమ్మ బడ్జెట్‌పై విపక్షాలు భగ్గుమన్నాయి. ఈ బడ్జెట్‌ దశాదిశా లేదని, కేవలం బిహార్‌, ఏపీలకు కొంత సాయం మినహా దేశ ప్రజలకు ఒరగబెట్టింది ఏమీ లేదని విరుచుకుపడ్డాయి.

UnionBudget 2024 : నిర్మలమ్మ బడ్జెట్‌పై విపక్షాలు భగ్గుమన్నాయి. ఈ బడ్జెట్‌ దశాదిశా లేదని, కేవలం బిహార్‌, ఏపీలకు కొంత సాయం మినహా దేశ ప్రజలకు ఒరగబెట్టింది ఏమీ లేదని విరుచుకుపడ్డాయి. దీర్ఘకాల వృద్ధి, తక్షణావసరాల మధ్య సమతూకం పాటించలేదని దుయ్యబట్టాయి. ధరల మంటతో సతమతమవుతున్న సామాన్యుడికి ఎలాంటి ఊరట లేదని, మహిళలు, యువతకు మొండిచేయి చూపారని పెదవివిరిచాయి.

పార్లమెంట్‌లో నిర్మలా సీతారామన్‌ ఈరోజు ప్రవేశపెట్టిన 2024-25 బడ్జెట్‌ పూర్తిగా నిరాశపరిచిందని కాంగ్రెస్ నేత దీపీందర్‌ సింగ్‌ హుడా అసంతృప్తి వ్యక్తం చేశారు. ఈ బడ్జెట్‌లో రైతుల కోసం ఏమీ లేదని, కేవలం ఏపీ, బిహార్‌ గురించి మాత్రమే బడ్జెట్‌లో ప్రస్తావించారని పేర్కొన్నారు. హరియాణాను పూర్తిగా విస్మరించారని, హరియాణ ప్రజలు బీజేపీ కమలం గుర్తును కూడా గుర్తుంచుకోరని మండిపడ్డారు.

ఇక ప్రస్తుత ఆర్థిక సంవత్సరానికి (Union Budget 2025) సంబంధించిన పూర్తి స్థాయి బడ్జెట్‌ను కేంద్ర ఆర్థిక మంత్రి నిర్మలా సీతారామన్ మంగళవారం లోక్ సభలో ప్రవేశ పెట్టారు. ఈ ఆర్థిక సంవత్సరంలో మిగిలిన 8 నెలల కాలానికి వార్షిక బడ్జెట్‌ను ప్రవేశపెట్టారు. సార్వత్రిక ఎన్నికలకు ముందు ఈ ఏడాది ఫిబ్రవరిలో నిర్మలమ్మ తాత్కాలిక బడ్జెట్‌ ప్రవేశ పెట్టిన విషయం తెలిసిందే. ఇక కేంద్రంలో మరోసారి మోదీ ప్రభుత్వం అధికారంలోకి రావడంతో ఇవాళ ప్రస్తుత ఆర్థిక సంవత్సరానికి సంబంధించి పూర్తి స్థాయి బడ్జెట్‌ను ప్రవేశపెట్టారు.

Read More :

Mudra loans: ముద్రా రుణాల ప‌రిమితి 20 ల‌క్ష‌ల‌కు పెంపు