Kallakurichi | కళ్లకురిచిలో మృత్యుఘోష.. నాటుసారా ఘటనలో 53కు పెరిగిన మృతులు

Kallakurichi | తమిళనాడు రాష్ట్రంలోని కళ్లకురిచి (Kallakurichi) జిల్లా కరుణాపురంలో కల్తీసారా (Toxic Alcohol) కలకలం సృష్టిస్తోన్న విషయం తెలిసిందే.

June 22, 2024 / 10:32 AM IST

Kallakurichi | కళ్లకురిచిలో మృత్యుఘోష.. నాటుసారా ఘటనలో 53కు పెరిగిన మృతులు

Kallakurichi | తమిళనాడు రాష్ట్రంలోని కళ్లకురిచి (Kallakurichi) జిల్లా కరుణాపురంలో కల్తీసారా (Toxic Alcohol) కలకలం సృష్టిస్తోన్న విషయం తెలిసిందే. ఈ ఘటనలో మృతి చెందిన వారి సంఖ్య అంతకంతకూ పెరుగుతోంది. శనివారం ఉదయం వరకూ అందిన సమాచారం ప్రకారం.. కల్తీసారా ఘటనలో మరణించిన వారి సంఖ్య 53కు పెరిగినట్లు కళ్లకురిచి జిల్లా కలెక్టర్‌ ఎమ్ఎస్‌ ప్రశాంత్‌ (Collector MS Prashanth) తెలిపారు.

కాగా, ఈ ఘటనలో సుమారు 120 మంది బాధితులు జిల్లాలోని వివిధ ఆసుపత్రుల్లో చికిత్స పొందుతున్నారు. వీరిలో 30 మంది పరిస్థితి ఆందోళనకరంగా ఉన్నట్లు అధికారులు వెల్లడించారు. ఈ ఘటనలో మృతుల సంఖ్య మరింత పెరిగే అవకాశం ఉన్నట్లు అధికారులు భావిస్తున్నారు. కల్తీసారా ప్రభావంతో కొందరికి కిడ్నీలు, ఇతర అవయవాలు విఫలమవుతుండటంతో నిపుణులైన వైద్యులను అధికారులు రంగంలోకి దింపి చికిత్స అందిస్తున్నారు.