Gujarat | బీజేపీ పాలిత గుజరాత్‌లో దారుణం.. తలపాగా, కళ్లజోడు ధరించాడని దళిత యువకుడిపై దాడి

బీజేపీ పాలిత గుజరాత్‌లో దళితులపై దాడులు ఆగడం లేదు. సంప్రదాయ తలపాగా ధరించి కళ్లజోడు పెట్టుకుని దిగిన ఫొటోను తన ఇన్‌స్టాలో షేర్‌ చేశాడన్న ఆగ్రహంతో ఒక దళిత యువకుడిని కొందరు అగ్రవర్ణాల వ్యక్తులు చావబాదారు.

Gujarat | అహ్మదాబాద్‌: బీజేపీ పాలిత గుజరాత్‌లో దళితులపై దాడులు ఆగడం లేదు. సంప్రదాయ తలపాగా ధరించి కళ్లజోడు పెట్టుకుని దిగిన ఫొటోను తన ఇన్‌స్టాలో షేర్‌ చేశాడన్న ఆగ్రహంతో ఒక దళిత యువకుడిని కొందరు అగ్రవర్ణాల వ్యక్తులు చావబాదారు. సబర్‌కాంత జిల్లా సయేబాపూర్‌లో గురువారం ఈ ఘటన చోటుచేసుకుంది. ఆటో రిక్షా నడుపుకుని జీవించే అజయ్‌ పర్‌మార్‌ (24) అనే దళిత యువకుడిని నలుగురు వ్యక్తులు తీవ్రంగా కొట్టారు.

‘దర్బార్‌ సామాజిక వర్గం వారే అలాంటి తలపాగా, కళ్లజోడు ధరించాలి. వాటిని పెట్టుకోవడమే కాక ఫొటో తీసి అప్‌లోడ్‌ చేయడానికి నీకెంత ధైర్యం’ అంటూ తనను చితకబాదారని బాధితుడు వాపోయాడు. దీంతో నలుగురిపై కేసు నమోదు చేశామని, అయితే నిందితులు పరారీలో ఉన్నారని హిమత్‌నగర్‌ పోలీస్‌ స్టేషన్‌ ఎస్‌ఐ తెలిపారు.