సీయూఈటీ-యూజీ ఫైనల్‌ కీ విడుదల

‘సీయూఈటీ-యూజీ-2024’ ప్రవేశ పరీక్షల తుది సమాధానాల కీ గురువారం విడుదలైంది. ప్రవేశ పరీక్ష ఫలితాల్ని త్వరలో విడుదల చేస్తామని గురువారం ఎన్‌టీఏ తెలిపింది. నీట్‌-యూజీ, యూజీసీ-నెట్‌ సహా సీయూఈటీ-యూజీ ప్రవేశ పరీక్షలోనూ అక్రమాలు చోటచేసుకున్నాయన్న ఆరోపణలు వచ్చాయని, దీంతో ఫలితాల విడుదల ఆలస్యమైందని ఎన్‌టీఏ అధికారి ఒకరు తెలిపారు.

న్యూఢిల్లీ, జూలై 25: ‘సీయూఈటీ-యూజీ-2024’ ప్రవేశ పరీక్షల తుది సమాధానాల కీ గురువారం విడుదలైంది. ప్రవేశ పరీక్ష ఫలితాల్ని త్వరలో విడుదల చేస్తామని గురువారం ఎన్‌టీఏ తెలిపింది. నీట్‌-యూజీ, యూజీసీ-నెట్‌ సహా సీయూఈటీ-యూజీ ప్రవేశ పరీక్షలోనూ అక్రమాలు చోటచేసుకున్నాయన్న ఆరోపణలు వచ్చాయని, దీంతో ఫలితాల విడుదల ఆలస్యమైందని ఎన్‌టీఏ అధికారి ఒకరు తెలిపారు. షెడ్యూల్‌ ప్రకారం జూన్‌ 30న పరీక్ష ఫలితాల్ని ఎన్‌టీఏ విడుదల చేయాల్సింది. అలాంటిది జూలై 7న తాత్కాలిక జవాబుల కీని విడుదల చేసింది. జూలై 19న 1000 మందికి పైగా అభ్యర్థులకు రీటెస్ట్‌ నిర్వహించింది.