సోనియా చేతుల్లోనే జారిప‌డ్డ కాంగ్రెస్ పార్టీ జెండా.. వీడియో
Congress Party Flag | ఢిల్లీలోని కాంగ్రెస్ పార్టీ ప్ర‌ధాన కార్యాల‌యంలో ఆ పార్టీ వ్యవస్థాపక దినోత్స‌వాల‌ను ఘ‌నంగా నిర్వ‌హించారు. 137వ వ్యవస్థాపక దినోత్స‌వం సంద‌ర్భంగా పార్టీ అధ్య‌క్షురాలు సోనియా గాంధీ కాంగ్రెస్ జెండాను ఎగుర‌వేసేందుకు
న్యూఢిల్లీ : ఢిల్లీలోని కాంగ్రెస్ పార్టీ ప్ర‌ధాన కార్యాల‌యంలో ఆ పార్టీ వ్యవస్థాపక దినోత్స‌వాల‌ను ఘ‌నంగా నిర్వ‌హించారు. 137వ వ్యవస్థాపక దినోత్స‌వం సంద‌ర్భంగా పార్టీ అధ్య‌క్షురాలు సోనియా గాంధీ కాంగ్రెస్ జెండాను ఎగుర‌వేసేందుకు సిద్ధ‌మ‌య్యారు. ఈ క్ర‌మంలో జెండాకు క‌ట్టిన తాడును కార్యాల‌య సిబ్బంది వేగంగా లాగాడు. సోనియా కూడా అంతే వేగంతో తాడును లాగారు. దీంతో ఎగ‌రాల్సిన జెండా కాస్త ఊడి సోనియా మీద ప‌డిపోయింది.
జెండా కింద ప‌డిపోవ‌డంతో అక్క‌డున్న నేత‌లంతా షాక్‌కు గుర‌య్యారు. ఓ మ‌హిళా కార్య‌క‌ర్త వేగంగా వ‌చ్చి.. జెండాను స‌ర్దే ప్ర‌య‌త్నం చేశారు. కానీ చివ‌ర‌కు ఆ జెండాను ఎగుర‌వేయ‌కుండానే ప‌క్క‌కు పెట్టేశారు. ఇక సోనియా గాంధీ, కాంగ్రెస్ పార్టీ జిందాబాద్ అని కార్య‌క‌ర్త‌లు నిన‌దించారు. కాంగ్రెస్ పార్టీ వ్యవస్థాపక దినోత్స‌వ వేడుక‌ల్లో ఎంపీ రాహుల్ గాంధీతో పాటు సీనియ‌ర్ నాయ‌కులంద‌రూ పాల్గొన్నారు.
Read Today's Latest National News in Telugu and Telugu News
- Follow Us :
-
