ఢిల్లీ, జనవరి 6: దేశంలోనే మొదటిసారిగా సిక్కు సైనికుల కోసం ప్రత్యేక హెల్మెట్లు తీసుకురావాలని కేంద్ర ప్రభుత్వం నిర్ణయించింది. సిక్కు బలగాల కోసం 12,730 బాలిస్టిక్ హెల్మెట్ల కొనుగోలు చేసేందుకు ప్రతిపాదించింది. అన్ని రకాల వాతావరణ పరిస్థితులకు తట్టుకునే విధంగా ఈ హెల్మెట్లు ఉండనున్నాయి.
సిక్కుల మతాచారం ప్రకారం వారు జుట్టును కత్తిరించుకోకూడదు. అందుకే వారి తలకు అనుగుణంగా ఉండేలా కొత్త హెల్మెట్లను కొనుగోలు చేసేందుకు ప్రభుత్వం నిర్ణయించింది. భారత సైన్యంలో సిక్కు జవాన్లు 12 శాతంగా ఉన్నారు.