NEET-UG 2024: ఎన్టీఏ వెబ్‌సైట్‌లో ప‌రీక్ష కేంద్రాల వారిగా నీట్ యూజీ ఫ‌లితాలు రిలీజ్‌..

NEET-UG 2024 : సిటీ, సెంట‌ర్ వైజ్‌గా .. నీట్ యూజీ 2024 ఫ‌లితాల‌ను రిలీజ్ చేశారు. నేష‌న‌ల్ టెస్టింగ్ ఏజెన్సీ వైబ్‌సైట్‌లో ఆ ఫ‌లితాల‌ను పొందుప‌రిచారు. ప‌రీక్ష కేంద్రాల వారిగా ఫ‌లితాల‌ను రిలీజ్ చేయాల‌ని ఇటీవ‌ల సుప్రీంకోర్టు ఆదేశించిన విష‌యం తెలిసిందే.

న్యూఢిల్లీ: సుప్రీంకోర్టు ఆదేశాల ప్ర‌కారం.. నేష‌న‌ల్ టెస్టింగ్ ఏజెన్సీ.. ఇవాళ నీట్ యూజీ 2024(NEET-UG 2024) ఫ‌లితాల‌ను త‌న్ వెబ్‌సైట్‌లో ప్ర‌చురించింది. నీట్ యూజీ ఫ‌లితాల‌ను https://neet.ntaonline.in/frontend/web/common-scorecard/index లింక్‌లో చూడ‌గ‌ల‌రు. ప‌రీక్ష కేంద్రాల వారీగా నీట్ యూజీ ఫ‌లితాల‌ను వెల్ల‌డించాల‌ని సుప్రీంలో పిటీష‌న్లు దాఖ‌లైన విష‌యం తెలిసిందే. ఆ కేసులో సుప్రీం తీర్పునిస్తూ.. ప‌రీక్ష కేంద్రాల వారీగా మార్క్‌ల‌ను వెల్ల‌డించాల‌ని ఎన్టీఏకు సుప్రీం ఆదేశించింది. ప్ర‌తి సెంట‌ర్‌, ప్ర‌తి న‌గ‌రానికి చెందిన ఫ‌లితాల‌ను రిజ‌ల్ట్స్‌ను డిక్లేర్ చేయాల‌ని కోర్టు ఆదేశించింది. ఆ ఆదేశాల ప్ర‌కార‌మే ఇవాళ ఫ‌లితాల‌ను వెబ్‌సైట్‌లో రిలీజ్ చేశారు.

జూలై 20 మధ్యాహ్నం 12 గంటల లోపు ఫ‌లితాల‌ను రిలీజ్ చేయాల‌ని సుప్రీం గడువు విధించిన విష‌యం తెలిసిందే. అయితే అభ్యర్థుల గుర్తింపును మాత్రం గోప్యంగా ఉంచాలని సూచించింది. నీట్‌-యూజీలో అక్రమాలకు సంబంధించి దాఖలైన పిటిషన్లపై సుప్రీంకోర్టు ప్రధాన న్యాయమూర్తి డీవై చంద్రచూడ్‌ నేతృత్వంలోని జస్టిస్‌ పీబీ పార్దివాలా, జస్టిస్‌ మనోజ్‌ మిశ్రాతో కూడిన ధర్మాసనం గురువారం విచారణ జరిపింది. పూర్తిస్థాయిలో పరీక్ష పవిత్రత దెబ్బతిన్నదని ఒక బలమైన నిర్ధారణకు వస్తేనే మళ్లీ పరీక్ష నిర్వహించాలని ఆదేశిస్తామని కోర్టు ఈ సందర్భంగా స్పష్టం చేసింది.