Antibiotics | షాకింగ్‌ న్యూస్‌.. పిల్లల ఇన్‌ఫెక్షన్లకు ఆ మందులు పనిచేయట్లేదు!

Antibiotics | పిల్లల్లో ఇన్‌ఫెక్షన్లకు వాడే యాంటీ బయాటిక్స్‌ పనిచేయట్లేదని తాజా అధ్యయనంలో తేలింది. యాంటీబయాటిక్స్‌ విచ్చలవిడిగా వాడటంతో నిరోధకత అధిక స్థాయికి చేరుకుందని, దీనివల్లే ఔషధాలు పనిచేయటం లేదని ‘యూనివర్సిటీ ఆఫ్‌ సిడ్నీ’ పరిశోధకులు తేల్చారు.

Antibiotics |  న్యూఢిల్లీ: పిల్లల్లో ఇన్‌ఫెక్షన్లకు వాడే యాంటీ బయాటిక్స్‌ పనిచేయట్లేదని తాజా అధ్యయనంలో తేలింది. యాంటీబయాటిక్స్‌ విచ్చలవిడిగా వాడటంతో నిరోధకత అధిక స్థాయికి చేరుకుందని, దీనివల్లే ఔషధాలు పనిచేయటం లేదని ‘యూనివర్సిటీ ఆఫ్‌ సిడ్నీ’ పరిశోధకులు తేల్చారు.

శిశువులు, పిల్లల్లో ప్రాణాంతకంగా మారుతున్న ఇన్‌ఫెక్షన్లపై డబ్ల్యూహెచ్‌వో సిఫారసు చేసిన యాంటి బయాటిక్స్‌ చూపుతున్న ప్రభావం 50% లోపే ఉంటున్నది. యాంటీబయాటిక్‌ నిరోధకత అన్నది ఆగ్నేయాసియా, పసిఫిక్‌ ప్రాంతాల్లో తీవ్రంగా ఉందని అధ్యయనంలో తేలింది. సెప్సిస్‌ అనే వ్యాధితో ఏటా సంభవిస్తున్న 5.7 లక్షల నవజాత శిశు మరణాల్లో చాలా వరకు యాంటీ బయాటిక్స్‌ ప్రభావం చూపకపోవటంతో సంభవిస్తున్నాయని పరిశోధన తెలిపింది.