Visit:
Char Dham Yatra : చార్ధామ్ యాత్ర (Char Dham Yatra) ను రెండు రోజులపాటు నిలిపివేశారు. ఉత్తరాఖండ్ (Uttarakhand) లో భారీ వర్షాలు (Heavy Rains) కురుస్తున్నాయి. దానికితోడు పలుచోట్ల కొండచరియలు (Landslides) విరిగిపడుతున్నాయి. ఫలితంగా యాత్ర మార్గాలు పలుచోట్ల దెబ్బతిన్నాయి. యాత్రికుల భద్రత దృష్ట్యా మంగళ, బుధవారాల్లో యాత్రను పూర్తిగా నిలిపివేస్తున్నట్లు అధికారులు తెలిపారు.
వాతావరణ శాఖ భారీ వర్షాలు కురిసే అవకాశం ఉందని హెచ్చరికలు జారీ చేయడంతో ఈ నిర్ణయం తీసుకున్నట్లు వారు చెప్పారు. వాతావరణ పరిస్థితులు మెరుగుపడి, రహదారులను పునరుద్ధరించిన తర్వాత యాత్రను తిరిగి ప్రారంభిస్తామని తెలిపారు. అప్పటివరకు యాత్రకు బయలుదేరే భక్తులు ప్రయాణాలను వాయిదా వేసుకోవాలని సూచన చేశారు.
