Viral Video | బైక్‌ను ఢీ కొట్టి.. మూడు కిలోమీటర్లు ఈడ్చుకెళ్లిన కారు..!

Viral Video | అతి వేగంగా వచ్చిన ఓ కారు రోడ్డు పక్కన పార్క్‌ చేసిన ఓ ద్విచక్ర వాహనాన్ని ఏకంగా మూడు కిలోమీటర్ల మేర ఈడ్చుకెళ్లింది.

Viral Video | అతి వేగంగా వచ్చిన ఓ కారు రోడ్డు పక్కన పార్క్‌ చేసిన ఓ ద్విచక్ర వాహనాన్ని ఏకంగా మూడు కిలోమీటర్ల మేర ఈడ్చుకెళ్లింది. ఈ ఘటన గురుగ్రామ్‌లో చోటు చేసుకుంది. వివరాల్లోకి వెళితే..

గురుగ్రామ్‌లోని సెక్టార్‌ 65లో బుధవారం రాత్రి 11:30 గంటల ప్రాంతంలో మోనూ అనే వ్యక్తి డ్యూటీ ముగించుకుని ఇంటికి వెళ్తున్నాడు. మార్గం మధ్యలో ఏదో పని నిమిత్తం రోడ్డు పక్కన తన వాహనాన్ని ఆపాడు. ఆ సమయంలో అతివేగంగా వచ్చిన హోండా సిటీ కారు.. బైక్‌ను ఢీ కొట్టింది. ఈ క్రమంలో కారు కింద బైక్‌ ఇరుక్కుపోవడంతో దాన్ని మూడు కిలోమీటర్ల మేర ఈడ్చుకెళ్లింది. అక్కడే ఉన్న జనం కారును ఆపేందుకు ప్రయత్నించినప్పటికీ కారులో ఉన్న వ్యక్తి పట్టించుకోకుండా వెళ్లిపోయాడని పోలీసులు తెలిపారు. బైక్‌ను కారు ఈడ్చుకెళ్లిన సమయంలో రోడ్డుపై నిప్పు రవ్వలు ఎగసిపడ్డాయి. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.

అయితే ఘటన జరిగిన వెంటనే కారు డ్రైవర్‌ తన వాహనాన్ని వదిలి పరారైనట్టు పోలీసులు తెలిపారు. ద్విచక్ర వాహనదారుడి ఫిర్యాదు ఆధారంగా కారు డ్రైవర్‌పై ఇండియన్ పీనల్ కోడ్ సెక్షన్ 279, 336, 427 తదితర షెక్షన్ల కింద ఎఫ్‌ఐఆర్ నమోదు చేసినట్లు పోలీసులు వెల్లడించారు. ఆ తర్వాత కారు డ్రైవర్‌ ఫరీదాబాద్‌కు చెందిన సుశాంత్ మెహతాగా గుర్తించి అతన్ని అదుపులోకి తీసుకున్నట్లు చెప్పారు. నిందితుడు సెక్టార్ 63లో ఒక ప్రైవేట్ సంస్థలో పనిచేస్తున్నాడని గురుగ్రామ్ పోలీసులు తెలిపారు.

गुरुग्राम में दिल्ली के कंझावला जैसी घटना सामने आई है। सेक्टर-62 में तेज गति से आ रही कार की टक्कर लगने से बाइक कार के नीचे फंस गई। नशे में धुत्त कार चालक ने बाइक को करीब 4 किलोमीटर तक घसीटा। सड़क पर रगड़ते हुए बाइक से चिंगारियां निकलती रही।#Gurugram #LiveVideo @DC_Gurugram pic.twitter.com/QWgFDQkb7i

— Amit Singh 🇮🇳❣️ (@KR_AMIT007) February 3, 2023