Road Accident | మ‌ద్యం మ‌త్తులో కారు న‌డిపి స్కూటీని ఢీకొట్టిన యువ‌కుడు.. ముగ్గురు దుర్మ‌ర‌ణం..!

Road Accident | మ‌ద్యం మ‌త్తులో వేగంగా కారు న‌డిపిన ఓ యువ‌కుడు బ‌లంగా స్కూటీని ఢీకొట్టాడు. ఈ ప్ర‌మాదంలో స్కూటీపై ఉన్న ముగ్గురు వ్య‌క్తులు దుర్మ‌ర‌ణం పాల‌య్యారు. ఆదివారం తెల్లవారుజామున కేర‌ళం (Keralam) రాష్ట్రం కొచ్చి (Kochi) లోని నెడుంబాస్సేరి (Nedumbasseri) సమీపంలో ఈ ప్ర‌మాదం జ‌రిగింది.

Road Accident : మ‌ద్యం మ‌త్తులో వేగంగా కారు న‌డిపిన ఓ యువ‌కుడు బ‌లంగా స్కూటీని ఢీకొట్టాడు. ఈ ప్ర‌మాదంలో స్కూటీపై ఉన్న ముగ్గురు వ్య‌క్తులు దుర్మ‌ర‌ణం పాల‌య్యారు. ఆదివారం తెల్లవారుజామున కేర‌ళం (Keralam) రాష్ట్రం కొచ్చి (Kochi) లోని నెడుంబాస్సేరి (Nedumbasseri) సమీపంలో ఈ ప్ర‌మాదం జ‌రిగింది.

మరణించిన వారిని వయనాడ్‌లోని మడక్కిమలకు చెందిన దేవిక, మంగళూరులోని సుల్లియాకు చెందిన ఇజాజ్, పాలక్కాడ్‌లోని కరింబాకు చెందిన గోపికగా గుర్తించారు. 21 ఏళ్ల వయసున్న వీరు ముగ్గురూ కొచ్చిలోని త్రికక్కరలో హ్యాండ్లూమ్ సేల్స్ సంస్థలో పనిచేస్తున్నారు. వారు టీ తాగడానికి బయటకు వెళ్లిన సమయంలో ఈ ప్రమాదం జరిగింది.

పోలీసుల వెల్ల‌డించిన క‌థ‌నం ప్రకారం.. నిందితుడు సుహైల్ సజీవ్ తన BMW మినీ కూపర్ కారులో స్నేహితులను తీసుకురావడానికి నెడుంబాసేరి విమానాశ్రయానికి వెళ్తుండగా ఒక స్కూటీని ఢీకొట్టాడు. ఆ వాహనాన్ని దాదాపు 100 మీటర్ల దూరం వరకు రోడ్డుపై ఈడ్చుకుంటూ వెళ్లి ఆపాడు. సుహైల్ అక్కడి నుంచి పారిపోయే ప్రయత్నిం చేయ‌గా.. స్థానికులు పట్టుకుని పోలీసులకు అప్పగించారు.

ప్రమాదానికి ముందు సుహైల్ మూడు బార్లలో మ‌ద్యం సేవించిన‌ట్లు పోలీసులు గుర్తించారు. అతను ఏదైనా డ్ర‌గ్ ప్రభావంతో వాహనం నడిపాడా లేదా అని నిర్ధారించుకోవడానికి అత‌నికి బ్ల‌డ్ రిపోర్ట్స్ కోసం చూస్తున్నారు. ఆ 19 ఏళ్ల యువకుడికి మద్యం అమ్మిన‌ బార్ల నిర్వాహ‌కుల‌పై చట్టపరమైన చర్యలు తీసుకోవాలని ఎక్సైజ్ శాఖ మంత్రి ఎం లిజు ఆదేశించారు.