Caller ID | కాలర్‌ పేరు ప్రదర్శించడం తప్పనిసరి.. టెలికం కంపెనీలకు కేంద్రం ఆదేశం

Caller ID | దేశ వ్యాప్తంగా నవంబర్‌ 1 నుంచి అన్ని టెలికం కంపెనీలు కాలర్‌ ఐడీ ఫీచర్‌ను అందుబాటులోకి తేవడాన్ని టెలికమ్యూనికేషన్ల విభాగం తప్పనిసరి చేసింది. దీని ప్రకారం అన్ని సెల్యూలర్‌ నెట్‌వర్క్‌ ఫోన్లలో కాల్‌ చేసిన వ్యక్తుల పేర్లను ఫోన్‌ స్క్రీన్లపై కంపెనీలు ప్రదర్శించాలి.

Caller ID | న్యూఢిల్లీ: దేశ వ్యాప్తంగా నవంబర్‌ 1 నుంచి అన్ని టెలికం కంపెనీలు కాలర్‌ ఐడీ ఫీచర్‌ను అందుబాటులోకి తేవడాన్ని టెలికమ్యూనికేషన్ల విభాగం తప్పనిసరి చేసింది. దీని ప్రకారం అన్ని సెల్యూలర్‌ నెట్‌వర్క్‌ ఫోన్లలో కాల్‌ చేసిన వ్యక్తుల పేర్లను ఫోన్‌ స్క్రీన్లపై కంపెనీలు ప్రదర్శించాలి. ఈ సేవను ఉచితంగా అందించాలి.

ఇందుకు సంబంధించి కంపెనీలు తమ చందాదారులకు సంబంధించిన ఫోన్‌నెంబర్లతో లింకైన పేర్ల డాటాబేస్‌ను కలిగి ఉండాలి. టెలికం కంపెనీలు కాలర్‌ వివరాలను వారి సర్వీస్‌ ప్రొవైడర్‌ నుంచి సేకరించి, కాల్‌ చేసిన వ్యక్తి సరైన పేరును కాల్‌ అందుకొనే వ్యక్తి ఫోన్‌ స్క్రీన్‌పై ప్రదర్శించాలి. విదేశాల నుంచి వచ్చే కాల్స్‌కు సంబంధించి, ఫోన్‌ నంబర్ల పక్కన ‘ఇంటర్నేషనల్‌’ అని ఉంటుంది. అయితే కాలింగ్‌ లైన్‌ గుర్తింపు నిరోధకత సదుపాయాన్ని ఎంచుకొన్న వ్యక్తుల పేర్లు మాత్రం స్క్రీన్‌పై ప్రదర్శించబడవు.