బాధితురాలి ఛాతీని తాకితే లైంగిక వేధింపులుగా ప‌రిగ‌ణించాలి : హైకోర్టు
బాధితురాలి ఛాతీని దుర‌ద్దేశంతో తాకితే అది లైంగిక వేధింపుల కింద‌కు వ‌స్తుంద‌ని కోల్‌క‌తా హైకోర్టు రూలింగ్ ఇచ్చింది.
కోల్‌క‌తా : బాధితురాలి ఛాతీని దుర‌ద్దేశంతో తాకితే అది లైంగిక వేధింపుల కింద‌కు వ‌స్తుంద‌ని కోల్‌క‌తా హైకోర్టు రూలింగ్ ఇచ్చింది. బాధితురాలి వ‌క్షోజాలు ఎద‌గ‌క‌పోయినా ఆ ప్ర‌దేశంలో నిందితుడు దురుద్దేశంతో తాకితే లైంగిక వేధింపులుగా ప‌రిగ‌ణించాల‌ని స్ప‌ష్టం చేసింది. 2017లో న‌మోదైన కేసుకు సంబంధించి కోర్టు ఈ ఉత్త‌ర్వులు జారీ చేసింది.
ఈ కేసులో బాధితురాలు ఇంట్లో ఒంట‌రిగా ఉన్న స‌మ‌యంలో బాలిక (13)ను నిందితుడు అస‌భ్యంగా తాకుతూ ముద్దు పెట్టుకున్నాడ‌ని బాలిక త‌ల్లి పోలీసుల‌కు ఫిర్యాదు చేసింది. అయితే బాధితురాలి ఛాతీని తాను తాకాన‌నే వాద‌న ఉత్ప‌న్నం కాద‌ని, వైద్యాధికారి నివేదిక‌లో ఆమె ఛాతీ ఎద‌గ‌లేద‌ని స్ప‌ష్టం చేశార‌ని నిందితుడు వాదించాడు. అయితే ఈ వాద‌న ప‌స‌లేనిద‌ని పోక్సో చ‌ట్టంలోని సెక్ష‌న్ ఏడు కింద ఆ ప్ర‌దేశంలో తాక‌డం లైంగిక వేధింపుల కింద‌కు వ‌స్తుంద‌ని కోర్టు తేల్చిచెప్పింది.
బాధితురాలి ప్రైవేట్ భాగాల‌ను తాక‌డం లైంగిక వేధింపులుగానే ప‌రిగ‌ణించాల‌ని క‌ల‌క‌త్తా హైకోర్ట్ స్ప‌ష్టం చేశారు. ఎవరైనా లైంగిక ఉద్దేశ్యంతో తాక‌డం స‌హా ఇతర చర్యలకు పాల్పడితే అది కూడా లైంగిక వేధింపులుగా పరిగణించబడుతుందని హైకోర్టు పేర్కొంది. నిందితుడిని పోక్సో స‌హా వివిధ సెక్ష‌న్ల కింద దోషిగా నిర్ధారించిన ప్ర‌త్యేక న్యాయ‌స్ధానం ఉత్త‌ర్వుల‌ను హైకోర్టు నిర్ధారించింది.
Read Today's Latest National News in Telugu and Telugu News
- Follow Us :
-
