వైర‌ల్ వీడియో : వీధి బాల‌ల‌కు స్నాక్స్ అందించిన బ‌స్ డ్రైవ‌ర్‌..!

కేర‌ళ‌కు చెందిన ఓ బ‌స్ డ్రైవ‌ర్ వీధి బాల‌ల‌కు స్నాక్స్ అందిస్తున్న వీడియో సోష‌ల్ మీడియాలో వైర‌ల్‌గా మారింది. బ‌స్ డ్రైవ‌ర్ ఔదార్యాన్ని నెటిజ‌న్లు ప్ర‌శంసిస్తున్నారు.

తిరువ‌నంత‌పురం : కేర‌ళ‌కు చెందిన ఓ బ‌స్ డ్రైవ‌ర్ వీధి బాల‌ల‌కు స్నాక్స్ అందిస్తున్న వీడియో సోష‌ల్ మీడియాలో వైర‌ల్‌గా మారింది. బ‌స్ డ్రైవ‌ర్ ఔదార్యాన్ని నెటిజ‌న్లు ప్ర‌శంసిస్తున్నారు. ఇన్‌స్టాగ్రాం యూజ‌ర్ ఫ‌వ‌స్సీ షేర్ చేసిన ఈ వీడియోలో బ‌స్ డ్రైవ‌ర్ ఇద్ద‌రు వీధి బాల‌ల‌కు బిస్కెట్ పాకెట్లు, స్నాక్స్ ఇవ్వ‌డం క‌నిపిస్తుంది. డ్రైవ‌ర్ త‌మ ప‌ట్ల ద‌యతో స్నాక్స్ ఇవ్వ‌డం చిన్నారుల ముఖాల్లో స్ప‌ష్టంగా ప్ర‌తిబింబించింది.

 

View this post on Instagram

 

A post shared by favaseeeyy!! (@_fazx._)

వారి ముఖాల్లో న‌వ్వులు నెటిజ‌న్ల హృద‌యాల‌ను మెలిపెట్టాయి. జీవిత ప్ర‌యాణంలో మ‌నం ఎంతో మందిని క‌లుసుకుంటాం..ఇందులో బాధాక‌ర‌మైన‌దేంటంటే ఆక‌లి తీర్చుకోవ‌డానికి చాలా మంది చేసే ప‌నులు..వారి ఆక‌లి తీర్చ‌డం మ‌న‌కు ల‌భించిన గొప్ప అవ‌కాశం..అస‌లు ఆక‌లి అంటే మ‌న‌కు తెలియ‌ద‌ని పోస్ట్‌కు క్యాప్ష‌న్ ఇచ్చారు. ఈ వీడియోను ఇప్ప‌టివ‌ర‌కూ 9.8 ల‌క్ష‌ల మంది వీక్షించారు. డ్రైవ‌ర్ ఔదార్యంపై ప‌లువురు యూజ‌ర్లు ప్ర‌శంస‌లు గుప్పించారు. అత‌డి నుంచి మ‌న‌లో చాలా మంది ఎంతో నేర్చుకోవాల్సి ఉంద‌ని చెప్పుకొచ్చారు.