snake venom | బంగ్లాదేశ్ (Bangladesh) నుంచి భారత్ (India)కు అక్రమంగా తరలిస్తున్న పాము విషాన్ని (snake venom) బీఎస్ఎఫ్ దళాలు (Border Security Force) స్వాధీనం చేసుకున్నాయి. బంగ్లా సరిహద్దుల (Bangladesh border) గుండా ఇద్దరు స్మగ్లర్లు (smugglers) భారత్లోకి అక్రమంగా ప్రవేశిస్తున్నారని బీఎస్ఎఫ్ (BSF) దళాలకు సమాచారం అందింది. దీంతో వెంటనే అప్రమత్తమైన భద్రతా సిబ్బంది దక్షిణ దినాజ్పూర్ (South Dinajpur ) జిల్లాలోని హిలి (Hili ) ప్రాంతం వద్ద పహన్పరా గ్రామంలో కాపు కాశారు.
ఆదివారం అర్ధరాత్రి దాటిన తర్వాత సుమారు 12:30 గంటల ప్రాంతంలో ఇద్దరు స్మగ్లర్లు దేశంలోకి ప్రవేశించేందుకు ప్రయత్నించారు. గమనించిన భద్రతా దళాలు కాల్పులు జరపడంతో వారు అక్కడి నుంచి తప్పించుకుని పారిపోయారు. ఆ సమయంలో స్మగ్లర్లు వారి వద్ద ఉన్న ఓ సీసాను అక్కడే వదిలేసి వెళ్లిపోయారు. దానిని భద్రతా సిబ్బంది స్వాధీనం చేసుకున్నారు. ఆ సీసాలో పాము విషం ఉండటాన్ని గుర్తించిన బీఎస్ఎఫ్ సిబ్బంది అధికారులకు సమాచారం ఇచ్చారు.
సీసాపై ‘మేడ్ ఇన్ ఫ్రాన్స్’ (Made in France) అని కూడా రాసి ఉందని.. బాటిల్లో ఉన్న విషం కోబ్రా పాముదని అధికారులు తెలిపారు. అనంతరం ఆ బాటిల్ను అటవీ శాఖ అధికారులకు అప్పగించినట్లు వారు పేర్కొన్నారు. పట్టుబడిన పాము విషం విలువ బ్లాక్ మార్కెట్లో సుమారు రూ.13 కోట్లు ఉంటుందని వారు అంచనా వేశారు.
Also Read..
King Charles Coronation | రాజు పట్టాభిషేకానికి రూ.1000 కోట్లు ఖర్చు
Ukraine | ‘కాళీమాత’ ఫొటోతో వివాదాస్పద ట్వీట్.. క్షమాపణలు చెప్పిన ఉక్రెయిన్
Salman Khan | మహిళల శరీరాలు విలువైనవి.. డ్రెస్ కోడ్ కాంట్రవర్సీపై సల్మాన్ స్పందన