Visit:
ముంబై, ఆగస్టు 7: బుల్డోజర్ న్యాయానికి తాము అనుకూలంగా లేమని బాంబే హైకోర్టు శుక్రవారం వ్యాఖ్యానించింది. మహారాష్ట్రలోని సతారా జిల్లాకు చెందిన ఒక వైద్యుడు రోడ్డు విస్తరణ ప్రాజెక్టు కోసం తన నివాస-దవాఖాన భవనంలోని కొంత భాగాన్ని స్వచ్ఛందంగా తొలగించుకోవడానికి అనుమతినిస్తూ హైకోర్టు ఈ వ్యాఖ్యలు చేసింది.
పురపాలక సంస్థ తక్షణమే కూల్చివేయడానికి అనుమతించడానికి బదులుగా స్వచ్ఛందంగా తొలగించడానికి ఆ వైద్యుడికి కోర్టు అనుమతి ఇచ్చింది. సతారా మున్సిపల్ కౌన్సిల్ జారీచేసిన కూల్చివేత నోటీసులను సవాలు చూస్తూ దాఖలైన పిటిషన్ను విచారిస్తున్న సమయంలో హైకోర్టు కొల్హాపూర్ బెంచ్ ఈ మేరకు ఉత్తర్వులు జారీచేసింది.
