JP Nadda | బీజేపీ జాతీయ అధ్యక్షుడు జేపీ నడ్డా భార్య కారు చోరీ..!

JP Nadda | భారతీయ జనతాపార్టీ జాతీయ అధ్యక్షుడు జేపీ నడ్డా (JP Nadda) భార్య కారు చోరీకి గురైంది (Toyota Fortuner Stolen).

JP Nadda | భారతీయ జనతాపార్టీ జాతీయ అధ్యక్షుడు జేపీ నడ్డా (JP Nadda) భార్య కారు చోరీకి గురైంది (Toyota Fortuner Stolen). ఢిల్లీలో గల గోవింద్‌పురి ప్రాంతంలో కారు అపహరణకు గురైనట్లు సమాచారం. మార్చి 19వ తేదీన మధ్యాహ్నం 3 నుంచి 4 గంటల మధ్య కారు చోరీకి గురైనట్లు సంబంధిత వర్గాలు వెల్లడించినట్లు జాతీయ మీడియాలో వార్తలు వచ్చాయి.

సదరు కథనాల ప్రకారం.. తెల్లటి టయోటా ఫార్చునర్‌ కారును డ్రైవర్‌ జోగీందర్‌ సర్వీసింగ్‌ కోసం తీసుకెళ్లాడు. సర్వీసింగ్‌ అనంతరం కారును నడ్డా నివాసానికి తీసుకొస్తున్నాడు. మార్గం మధ్యలో తన నివాసం వద్ద భోజనం చేసేందుకు కారును ఆపాడు. కారును ఇంటి ముందు ఆపి భోజనం చేసి వచ్చే సరికి కారు కనిపించలేదు. దీంతో వెంటనే పోలీసులకు ఫిర్యాదు చేశాడు. రంగంలోకి దిగిన పోలీసులు ఎఫ్‌ఐఆర్‌ నమోదు చేసి కారుకోసం గాలింపు చేపట్టారు. సీసీటీవీ ఫుటేజ్‌ పరిశీలించిన పోలీసులు.. కారును గురుగ్రామ్‌ వైపు తీసుకెళ్లినట్లు గుర్తించారు. అపహరణకు గురైన కారు హిమాచల్‌ప్రదేశ్‌ రిజిస్ట్రేషన్‌ నంబర్‌తో ఉంది. ఆరు రోజులైనా ఇప్పటి వరకూ కారు ఆచూకీ మాత్రం తెలియరాలేదని సమాచారం. ఘటనపై పోలీసులు దర్యాప్తు చేస్తున్నారు.

Also Read..

Kangana Ranaut | హోలీ వేడుకల్లో పాల్గొన్న ప్రముఖ నటి, బీజేపీ లోక్‌సభ అభ్యర్థి కంగన రనౌత్‌

Janardhana Reddy | సొంత గూటికి గనుల వ్యాపారి.. బీజేపీలో చేరిన గాలి జనార్దన్‌ రెడ్డి

Indian student | లండన్‌ రోడ్డు ప్రమాదంలో భారతీయ విద్యార్థిని మృతి