Watch: వర్షంతో తడిసిన రోడ్డుపై జారిన బైకర్‌.. లారీ ఢీ నుంచి ఎలా బయటపడ్డాడంటే!

Viral Video | బైక్‌ జారడంతో దానిని నడుపుతున్న వ్యక్తి రోడ్డుపై పడ్డాడు. వెనుక వాహనాలు వస్తుండటాన్ని గమనించిన వెంటనే అతడు వేగంగా పక్కకు పరుగెత్తాడు. ఇంతలో ఒక లారీ వేగంగా అతడి బైక్‌ మీదకు దూసుకెళ్లింది. లారీ డ్రైవర్‌ సడన్‌ బ్రేక్‌ వేయడంతో అది ఆగింది.

న్యూఢిల్లీ: రోడ్డుపై జరిగే ప్రమాదాల నుంచి కొందరు అనూహ్యంగా ప్రాణాలతో బయటపడుతుంటారు. ఒక వ్యక్తి కూడా అలాగే ప్రాణాలు దక్కించుకున్నాడు. అతడు కొంత ఆలస్యం చేసి ఉంటే జరిగే దారుణం ఊహించుకోవడం కష్టం. జోరుగా వర్షం కురుస్తున్న సమయంలో ఒక రోడ్డుపై వాహనాలు వేగంగా వెళ్తున్నాయి. ఒక వ్యక్తి కూడా బైక్‌పై వేగంగా వెళ్లాడు. అయితే వర్షానికి ఆ రోడ్డు తడిసింది. దీంతో ఆ వ్యక్తి బైక్‌పై నియంత్రణ కోల్పోయాడు. ఆ బైక్‌ రోడ్డుపై జారింది. ఆ బైక్‌ వెనుకే ఒక లారీ కూడా వేగంగా వస్తున్నది.

కాగా, బైక్‌ జారడంతో దానిని నడుపుతున్న వ్యక్తి రోడ్డుపై పడ్డాడు. వెనుక వాహనాలు వస్తుండటాన్ని గమనించిన వెంటనే అతడు వేగంగా పక్కకు పరుగెత్తాడు. ఇంతలో ఒక లారీ వేగంగా అతడి బైక్‌ మీదకు దూసుకెళ్లింది. లారీ డ్రైవర్‌ సడన్‌ బ్రేక్‌ వేయడంతో అది ఆగింది. అయితే ఆ బైకర్‌ బైక్‌ జారిన చోట నుంచి కదలకుండా అక్కడే ఉండి ఉంటే ఆ లారీ కింద నలిగిపోయి ఉండేవాడు.

మరోవైపు ఆ రోడ్డుపై వెళ్తున్న మరో వాహనంలోని ఫ్రంట్‌ కెమెరాలో ఈ వీడియో రికార్డ్‌ అయ్యింది. ‘హౌ డిడ్ యూ గెట్ అవుట్ అలైవ్’ అనే యూజర్‌ ట్విట్టర్‌లో ఈ వీడియోను షేర్‌ చేశారు. దీంతో ఈ వీడియో క్లిప్‌ సోషల్‌ మీడియాలో వైరల్‌ అయ్యింది. నెటిజన్లు కూడా భిన్నంగా స్పందించారు. ఈ వీడియో క్లిప్‌ చూసి షాక్‌ అయినట్లు కొందరు తెలిపారు. ఆ బైకర్‌ అదృష్టవంతుడని, ప్రమాదం నుంచి తృటిలో ప్రాణాలతో బయటపడ్డాడని కొందరు పేర్కొన్నారు. మరికొందరు ఫన్నీగా కామెంట్లు చేశారు.

అయితే వాహనదారులను రోడ్డు ప్రమాదాల పట్ల ఈ వీడియో అప్రమత్తం చేస్తుందని కొందరు పేర్కొన్నారు. వర్షాకాలంలో రోడ్డుపై వాహనాలు నడిపేటప్పుడు జాగ్రత్తలు తీసుకోవాలని మరికొందరు సూచించారు.

https://twitter.com/whatcouIdGwrong/status/1643901706693128197?ref_src=twsrc%5Etfw%7Ctwcamp%5Etweetembed%7Ctwterm%5E1643901706693128197%7Ctwgr%5E77fd5f4ba620941b29219046987b117d5485e811%7Ctwcon%5Es1_c10&ref_url=https%3A%2F%2Fwww.india.com%2Fviral%2Fviral-video-biker-falls-road-speeding-truck-behind-him-watch-how-he-saves-himself-5986554%2F

Also Read:

Delhi Lodge Murder Case | వ్యాపారి హత్య కేసులో హనీ ట్రాప్ కోణం.. ఒక మహిళ అరెస్ట్‌

Ajit Pawar | ‘ఆరోగ్యం బాగోలేక విశ్రాంతి తీసుకున్నా’.. ఊహాగానాల వార్తలపై అజిత్‌ పవార్‌ స్పందన