జీతమివ్వండి మహాప్రభో!

బీహార్‌లోని బీజేపీ సర్కార్‌ ఎనిమిది నెలలుగా జీతం చెల్లించకపోవడంతో ఓ మహిళా ప్రభుత్వ అధికారి వినూత్న రీతిలో నిరసనకు దిగారు. బక్సర్‌ జిల్లా బ్రహ్మపూర్‌ బ్లాక్‌ కార్యాలయం వెలుపల గ్రామీణాభివృద్ధి అధికారి అల్పితా సింగ్‌ భిక్షమెత్తుకుంటూ ధర్నా చేశారు. తనకు రావాల్సిన జీతం చెల్లించాలంటూ ఆమె రెండు రోజులపాటు ఈ నిరసన చేపట్టారు.

• 8 నెలలుగా జీతం చెల్లించని బీహార్‌ బీజేపీ సర్కార్‌
• భిక్షమెత్తుకుంటూ ప్రభుత్వ అధికారిణి వినూత్న నిరసన

బక్సర్‌: బీహార్‌లోని బీజేపీ సర్కార్‌ ఎనిమిది నెలలుగా జీతం చెల్లించకపోవడంతో ఓ మహిళా ప్రభుత్వ అధికారి వినూత్న రీతిలో నిరసనకు దిగారు. బక్సర్‌ జిల్లా బ్రహ్మపూర్‌ బ్లాక్‌ కార్యాలయం వెలుపల గ్రామీణాభివృద్ధి అధికారి అల్పితా సింగ్‌ భిక్షమెత్తుకుంటూ ధర్నా చేశారు. తనకు రావాల్సిన జీతం చెల్లించాలంటూ ఆమె రెండు రోజులపాటు ఈ నిరసన చేపట్టారు.

తన 11 నెలల ఉద్యోగ కాలంలో కేవలం మూడు నెలలకు మాత్రమే వేతనం అందిందని, మిగిలిన 8 నెలల జీతం పెండింగ్‌లో ఉందని అల్పితా సింగ్‌ ఆరోపించారు. విధులకు హాజరవుతూ బాధ్యతలు నిర్వర్తిస్తున్నప్పటికీ జీతం చెల్లించకపోవడంతో ఆర్థిక ఇబ్బందులు ఎదుర్కొంటున్నానని పేర్కొన్నారు. ఈ విషయం జిల్లా అధికారుల దృష్టికి వచ్చింది.