విమానాల్లో కొబ్బరికాయలు పట్టుకెళ్లొచ్చు

శబరిమల అయ్యప్ప స్వామి భక్తులు విమానాల్లో కొబ్బరి కాయలను పట్టుకెళ్లవచ్చు. బ్యూరో ఆఫ్‌ సివిల్‌ ఏవియేషన్‌ సెక్యూరిటీ (బీసీఏఎస్‌) ఈ మేరకు శుక్రవారం అనుమతి ఇచ్చింది.

• అయ్యప్ప భక్తులకు అనుమతి

న్యూఢిల్లీ: శబరిమల అయ్యప్ప స్వామి భక్తులు విమానాల్లో కొబ్బరి కాయలను పట్టుకెళ్లవచ్చు. బ్యూరో ఆఫ్‌ సివిల్‌ ఏవియేషన్‌ సెక్యూరిటీ (బీసీఏఎస్‌) ఈ మేరకు శుక్రవారం అనుమతి ఇచ్చింది. వచ్చే జనవరి 20 వరకు భక్తులు తమ క్యాబిన్‌ బ్యాగేజీల్లో కొబ్బరి కాయలను పట్టుకెళ్లవచ్చునని తెలిపింది. ప్రస్తుత నిబంధనల ప్రకారం క్యాబిన్‌ బ్యాగేజీలలో కొబ్బరి కాయలను పట్టుకెళ్లేందుకు అవకాశం లేదు. భక్తుల కోసం పరిమిత కాలంపాటు అనుమతి ఇచ్చినట్లు బీసీఏఎస్‌ అధికారి ఒకరు తెలిపారు. ఎక్స్‌-రే, ఎక్స్‌ప్లోసివ్‌ ట్రేస్‌ డిటెక్టర్‌, ఇతర తనిఖీలను చేసిన తర్వాత మాత్రమే కొబ్బరి కాయలను అనుమతిస్తారని చెప్పారు. అయ్యప్ప స్వామి భక్తులు తీసుకెళ్లే ఇరుముడి కెట్టులో నేతితో నింపిన కొబ్బరి కాయ, మరికొన్ని సాధారణ కొబ్బరి కాయలు ఉంటాయనే సంగతి తెలిసిందే.