Watch: కావాలనే వీధి కుక్కపైకి దూసుకెళ్లిన ఆడీ కారు… స్థానికుల ఫిర్యాదు

బెంగళూరు: ఖరీదైన ఆడీ కారును ఒక వీధి కుక్కపైకి దూకించారు. అయితే ఆ కారు డ్రైవర్‌ కావాలనే ఈ పని చేసినట్లుగా సీసీటీవీ ఫుటేజ్‌ ద్వారా స్థానికులు గ్రహించారు. దీంతో దీనిపై పోలీసులకు ఫిర్యాదు చేశారు. కర్ణాటక రాజధాని బెంగళూరులో ఈ ఘటన జరిగింది. ఈ నెల 26న సిద్ధాపుర ప్రాంతంలో రోడ్డు పక్కగా ఒక వీధి కుక్క నిద్రిస్తున్నది. ఇంతలో ఒక ఆడీ కారు అటుగా వచ్చింది. కుక్కను చూసిన డ్రైవర్‌ కారును ఆపాడు. అనంతరం కాస్త వెనక్కి వెళ్లి వేగంగా ఆ కుక్కపైకి కారును దూకించాడు. దీంతో అది తీవ్రంగా గాయపడింది.

కాగా, ఆ ప్రాంతంలో ఉన్న సీసీటీవీలో ఇది రికార్డ్‌ అయ్యింది. దీంతో ఉద్దేశ పూర్వకంగా కారుతో కుక్కను తొక్కించిన ఘటనపై స్థానికులు పోలీసులకు ఫిర్యాదు చేశారు. కేసు నమోదు చేసిన పోలీసులు దీనిపై దర్యాప్తు చేస్తున్నారు. మరోవైపు ఈ వీడియో సోషల్‌ మీడియాలో వైరల్‌ అయ్యింది.

https://youtu.be/F1I1gD7k9jw