Nashik | పెండ్లి చేసుకుంటానని నమ్మించి లైంగిక దాడి..నాసిక్‌లో మత మార్పిడి యత్నం!

మహారాష్ట్రలోని నాసిక్‌ లో లైంగిక వేధింపుల ఘటనలు పెరుగుతున్నట్లు కనిపిస్తున్నది. టీసీఎస్‌లో లైంగిక వేధింపుల కేసు తర్వాత, ఇప్పుడు మత మార్పిడికి సంబంధించిన మరో కేసు శనివారం వెలుగులోకి వచ్చింది.

• నాసిక్‌లో మత మార్పిడి యత్నం!

ముంబై, ఏప్రిల్‌ 18 (నమస్తే తెలంగాణ): మహారాష్ట్రలోని నాసిక్‌ లో లైంగిక వేధింపుల ఘటనలు పెరుగుతున్నట్లు కనిపిస్తున్నది. టీసీఎస్‌లో లైంగిక వేధింపుల కేసు తర్వాత, ఇప్పుడు మత మార్పిడికి సంబంధించిన మరో కేసు శనివారం వెలుగులోకి వచ్చింది. ఈ ఘటనలో బాధిత యువతిపై లైంగిక దాడి జరిగిందనే దిగ్భ్రాంతికరమైన సమాచారం బయటపడింది.

ఈ కేసులో తంజీర్‌ ఇనామ్‌ దార్‌ అనే నిందితుడిని పంచవటి పోలీసులు అరెస్టు చేశారు. పోలీసుల కథనం ప్రకారం నిందితుడు బాధితురాలిని పెండ్లి చేసుకుంటానని నమ్మించి, బలవంతంగా మద్యం, సిగరెట్లు తాగించి..లైంగికదాడికి పాల్పడినట్టు పేర్కొన్నారు. నిందితుడు పలువురు బాలికలను ఇదే విధంగా వేధించి ఉంటాడని అనుమానిస్తున్నారు.