Apple Watch | అలల తాకిడికి కొట్టుకుపోయి యాపిల్‌ వాచ్‌ అల్ట్రా సాయంతో బయటపడ్డాడు

Apple Watch  : అలల తాకిడితో విలవిలలాడిన వ్యక్తి నట్టనడి సంద్రం నుంచి క్షేమంగా బయటపడ్డాడు. సముద్రంలో చిక్కుకుపోయిన ఓ వ్యక్తి ప్రాణాలను యాపిల్ వాచ్‌ అల్ట్రా కాపాడింది.

Apple Watch  : అలల తాకిడితో విలవిలలాడిన వ్యక్తి నట్టనడి సంద్రం నుంచి క్షేమంగా బయటపడ్డాడు. సముద్రంలో చిక్కుకుపోయిన ఓ వ్యక్తి ప్రాణాలను యాపిల్ వాచ్‌ అల్ట్రా కాపాడింది. ఆస్ట్రేలియాలోని బైరన్‌ బే తీరంలోని టాలో బీచ్‌లో సర్ఫింగ్‌కు వెళ్లిన స్విమ్మర్‌ అనూహ్యంగా సముద్రం పోటెత్తడంతో ప్రమాదకర జోన్‌లోకి కొట్టుకుపోయాడు. సముద్ర గర్భంలోని డేంజర్‌ జోన్‌ నుంచి ప్రాణాలతో తిరిగి తీరంలోకి రావడం దాదాపు అసాధ్యమనే దశకు చేరిపోయాడు.

స్విమ్మింగ్‌లో తనకు అపార అనుభవం ఉన్నా ఊహించని విధంగా తన తలపై నుంచి భారీ అలలు వెళ్లడంతో ప్రాణాలు బిగపట్టుకుని నీటిలోపల ఉండాల్సి వచ్చిందని స్విమ్మర్‌, సర్ఫర్‌ షియర్మన్‌ గుర్తుచేసుకున్నాడు. 20 నిమిషాల పాటు బిక్కుబిక్కుమంటూ గడిపిన అనంతరం పరిస్ధితి తీవ్రతను గుర్తించిన షియర్మన్‌ తక్షణ సాయం కోసం అర్ధించాలని నిర్ణయానికి వచ్చాడు.

అదృష్టవశాత్తూ తన యాపిల్‌ వాచ్‌ అల్ట్రాలో బిల్టిన్‌ సెల్యులార్‌ కనెక్షన్‌ ఫీచర్‌ ఉండటంతో తన ప్రాణం లేచివచ్చిందని, సముద్ర గర్భం నుంచే నేరుగా ఆస్ట్రేలియన్‌ ఎమర్జెన్సీ సర్వేసెస్‌కు కాల్‌ చేసి తన పరిస్ధితి వివరించానని షియర్మన్‌ గుర్తుచేసుకున్నాడు. భారీ అలలు, గాలి, శబ్ధాల మధ్యే దాదాపు గంట పాటు ఎమర్జెన్సీ సిబ్బంది చేరుకునేవరకూ షియర్మన్‌ అధికారులతో కాంటాక్ట్‌లో ఉన్నాడు. టెక్నాలజీ తన ప్రాణాలు కాపాడటం అద్భుతమని షియర్మన్‌ చెప్పుకొచ్చాడు. యాపిల్‌ వాచ్‌ అల్ట్రాతో తాను క్షేమంగా బయటపడగలిగానని పేర్కొన్నాడు.

Read More :

Jagapathi Babu | క్యాసినో ఆడుతూ నాకు సిగ్గు లేదని పోస్ట్ పెట్టిన జగపతిబాబు