train derailment attempt | రైలును పట్టాలు తప్పించేందుకు మరో యత్నం.. ట్రాక్‌పై తొలగించిన ఫిష్ ప్లేట్లు

train derailment attempt | రైళ్లను పట్టాలు తప్పించి ప్రమాదానికి గురి చేసే ప్రయత్నాలు ఇటీవల తరచుగా వెలుగులోకి వస్తున్నాయి. తాజాగా ఈ తరహా దుండగుల దుశ్చర్య బయటపడింది. రైలు పట్టాలను కలిపి ఉంచే ఫిష్ ప్లేట్‌ను గుర్తు తెలియని వ్యక్తులు తొలగించారు. వాటిని రైలు పట్టాలపై ఉంచారు.

అహ్మదాబాద్‌: రైళ్లను పట్టాలు తప్పించి ప్రమాదానికి గురి చేసే ప్రయత్నాలు ఇటీవల తరచుగా వెలుగులోకి వస్తున్నాయి. (train derailment attempt) తాజాగా ఈ తరహా దుండగుల దుశ్చర్య బయటపడింది. రైలు పట్టాలను కలిపి ఉంచే ఫిష్ ప్లేట్‌ను గుర్తు తెలియని వ్యక్తులు తొలగించారు. వాటిని రైలు పట్టాలపై ఉంచారు. అయితే రైల్వే సిబ్బంది దీనిని గుర్తించడంతో ఆ మార్గంలో రైళ్ల రాకపోకలను నిలిపివేశారు. ఫిష్ ప్లేట్లను తిరిగి బిగించిన తర్వాత రైళ్ల కదలికలను పునరుద్ధరించారు. గుజరాత్‌లోని సూరత్‌ జిల్లాలో ఈ సంఘటన జరిగింది. కిమ్ రైల్వే స్టేషన్ సమీపంలో రైల్వే ట్రాక్‌ ఫిష్‌ప్లేట్లు, లాక్‌, బోల్ట్‌లను గుర్తు తెలియని వ్యక్తులు తొలగించారు. వాటిని రైలు పట్టాలపై వరుసగా ఉంచారు.

కాగా, ఉత్తరప్రదేశ్‌ మార్గంలోని రైలు పట్టాలు తనిఖీ చేసే రైల్వే గ్రౌండ్‌ సిబ్బంది దీనిని గుర్తించినట్లు పశ్చిమ రైల్వేకు చెందిన వడోదర డివిజన్ అధికారి తెలిపారు. దీంతో రైళ్ల కదలికలను కొంతసేపు నిలిపివేసినట్లు చెప్పారు. రెండు పట్టాలను జాయింట్‌ చేసే ఫిష్‌ప్లేట్లను తిరిగి బిగించిన తర్వాత రైళ్ల రాకపోకలను పునరుద్ధరించినట్లు వెల్లడించారు. దీనికి సంబంధించిన వీడియో క్లిప్‌ను విడుదల చేశారు.

#WATCH | Gujarat | Some unknown person opened the fish plate and some keys from the UP line track and put them on the same track near Kim railway station after which the train movement was stopped. Soon the train service started on the line: Western railway, Vadodara Division pic.twitter.com/PAf1rMAEDo

— ANI (@ANI) September 21, 2024