Air India Flight: ర‌ష్యాలో ఎమ‌ర్జెన్సీ ల్యాండింగ్‌.. మ‌రో విమానాన్ని పంపిస్తున్న ఎయిర్ ఇండియా

Air India Flight: ఢిల్లీ నుంచి శాన్ ఫ్రాన్సిస్‌కో వెళ్తున్న విమానాన్ని అత్య‌వ‌స‌రంగా ర‌ష్యాలో దించారు. విమానంలో సాంకేతిక స‌మ‌స్య త‌లెత్త‌డంతో.. ఆ విమానాన్ని క్రాస్కోయార్క్ ఇంట‌ర్నేష‌న‌ల్ ఎయిర్‌పోర్ట్‌లో ల్యాండ్ చేశారు. అయితే ఆ ప్ర‌యాణికుల కోసం రిలీఫ్ ఫ్ల‌యిట్‌ను పంపుతున్నారు.

ముంబై: ఢిల్లీ నుంచి శాన్ ఫ్రాన్సిస్‌కో వెళ్తున్న విమానాన్ని అత్య‌వ‌స‌రంగా ర‌ష్యాలో దించారు. విమానంలో సాంకేతిక స‌మ‌స్య త‌లెత్త‌డంతో.. ఆ విమానాన్ని క్రాస్కోయార్క్ ఇంట‌ర్నేష‌న‌ల్ ఎయిర్‌పోర్ట్‌లో
ల్యాండ్ చేశారు. ఎయిర్ ఇండియాకు చెందిన ఏఐ 183 విమానం(Air India Flight)లో 225 మంది ప్ర‌యాణికులు, 19 మంది సిబ్బంది ఉన్నారు. వాస్త‌వానికి ఉక్రెయిన్‌తో యుద్ధం జ‌రుగుతున్న కార‌ణంగా.. చాలా వ‌ర‌కు విదేశీ విమాన సంస్థ‌లు ర‌ష్యా రూట్‌ను వాడ‌డం లేదు. కానీ ఫ్ల‌యింగ్ టైం, కాస్ట్ అడ్వాంటేజ్ కోసం ఎయిర్ ఇండియా మాత్రం ర‌ష్యా రూట్లో విమానాన్ని న‌డిపిస్తోంది.

క్రాస్కోయార్క్ విమానాశ్ర‌యంలో ఉన్న ఎయిర్ ఇండియా ప్ర‌యాణికుల‌ను సుర‌క్షితంగా శాన్ ఫ్రాన్సిస్‌కో చేర్చేందుకు ప్ర‌త్యేక విమానాన్ని పంపుతున్నారు. ముంబై నుంచి రిలీఫ్ ఫ్ల‌యిట్ బ‌య‌లుదేర‌నున్న‌ది. రిలీఫ్ ఫ్ల‌యిట్‌కు రెగ్యులేట‌రీ క్లియ‌రెన్స్ అనుమ‌తులు వ‌చ్చిన‌ట్లు ఎయిర్ ఇండియా సంస్థ త‌న ఎక్స్ అకౌంట్‌లో చెప్పింది. ర‌ష్యా వీసాలు లేని కార‌ణంగా.. ఎమ‌ర్జెన్సీగా ల్యాండ్ అయిన విమాన ప్ర‌యాణికులకు స‌పోర్టుగా ఉండేందుకు స్థానిక ఎయిర్ ఇండియా అధికారులకు తెలిపారు. మాస్కోలో ఉన్న భార‌తీయ కౌన్సులేట్ అధికారులు .. ప్ర‌యాణికుల్ని హోట‌ళ్ల‌కు పంపేందుకు ర‌ష్యా అధికారుల‌తో చ‌ర్చించారు.