Air India | ఎట్టకేలకు రష్యా నుంచి శాన్‌ఫ్రాన్సిస్కోకు బయలుదేరిన ఎయిర్‌ ఇండియా విమానం

రష్యాలోని (Russia) మగదాన్‌ (Magadan) ఎయిర్‌పోర్టులో చిక్కుకుపోయిన ప్రయాణికులను ప్రత్యామ్నాయ విమానంలో శాన్‌ఫ్రాన్సిస్కోకు (San Francisco) తరలిస్తున్నామని ఎయిర్‌ ఇండియా (Air India) ప్రకటించింది.

న్యూఢిల్లీ: రష్యాలోని (Russia) మగదాన్‌ (Magadan) ఎయిర్‌పోర్టులో చిక్కుకుపోయిన ప్రయాణికులను ప్రత్యామ్నాయ విమానంలో శాన్‌ఫ్రాన్సిస్కోకు (San Francisco) తరలిస్తున్నామని ఎయిర్‌ ఇండియా (Air India) ప్రకటించింది. గురువారం ఉదయం 10.27 గంటలకు (రష్యా కాలమాన ప్రకారం) మగదాన్‌ నుంచి ఎయిర్‌ ఇండియా ఏఐ173డీ (Air India AI127D) విమానం ప్రయాణికులు, సిబ్బందితో గమ్యస్థానానికి బయలుదేరిందని ట్విట్టర్‌ వేదికగా వెల్లడించింది. ఫ్లైట్‌లోని ప్రయాణికులకు మరోసారి ఎలాంటి అసౌకర్యం కలగకుండా రిసీవ్‌ చేసుకునేందుకు శాన్‌ఫ్రాన్సిస్కో ఎయిర్‌పోర్టులో సహాయక సిబ్బంది సంఖ్యను పెంచి, వారిని అప్రమత్తం చేసినట్లు తెలిపింది.

ఈ నెల 6న ఢిల్లీ నుంచి అమెరికాలోని శాన్‌ఫ్రాన్సిస్కోకు ఎయిర్‌ ఇండియాకు చెందిన AI173 విమానం బయలుదేరింది. కొద్దిసేపటి తర్వాత ఓ ఇంజిన్‌లో సాంకేతిక లోపాన్ని గుర్తించిన పైలెట్‌ రష్యాలోని సమీపంలోని మగదాన్ విమానాశ్రయాన్ని సంప్రదించి అత్యవసర ల్యాండింగ్‌కు అనుమతి కోరారు. ఇందుకు అనుమతి ఇవ్వడంతో సురక్షితంగా ల్యాండ్‌ అయ్యింది. ఆ సమయంలో విమానంలో ప్రయాణికులు, సిబ్బంది కలిసి 232 మంది వరకు ఉన్నారు. అయితే ప్రయాణికుల‌ను శాన్‌ఫ్రాన్సిస్కోకు త‌ర‌లించేందుకు ఎయిర్ ఇండియా ప్రత్యేక విమానాన్ని పంపించింది. బుధవారం మ‌ధ్యాహ్నం ఒంటి గంట‌కు ముంబై నుంచి ఆ విమానం ర‌ష్యాకు బయలుదేరింది.

UPDATE: AIR INDIA FLIGHT AI173D TAKES OFF FOR SAN FRANCISCO FROM MAGADAN

Flight AI173D from Magadan, Russia (GDX) is now airborne for San Francisco (SFO), carrying all passengers and crew. The flight departed GDX at 1027 Hours on 08 June 2023 (local time) and is expected to…

— Air India (@airindia) June 7, 2023