Agnibaan | అగ్నిబాన్‌ రాకెట్‌ ప్రయోగం వాయిదా..! కారణాలు ఏంటంటే..?

Agnibaan | చెన్నైకి చెందిన స్పేస్‌ స్టార్టప్‌ అగ్నికుల్‌ కాస్మోస్‌ అగ్నిబాన్‌ రాకెట్‌ ప్రయోగం మరోసారి రద్దయ్యింది. లిఫ్ట్‌ఆఫ్‌కు దాదాపు 92 సెకన్ల ముందు ప్రయోగాన్ని నిలిపివేశారు. సాంకేతిక లోపాలతో వాయిదా వేసినట్లు అగ్నికుల్‌ కాస్మోస్‌ పేర్కొంది.

Agnibaan | చెన్నైకి చెందిన స్పేస్‌ స్టార్టప్‌ అగ్నికుల్‌ కాస్మోస్‌ అగ్నిబాన్‌ రాకెట్‌ ప్రయోగం మరోసారి రద్దయ్యింది. లిఫ్ట్‌ఆఫ్‌కు దాదాపు 92 సెకన్ల ముందు ప్రయోగాన్ని నిలిపివేశారు. సాంకేతిక లోపాలతో వాయిదా వేసినట్లు అగ్నికుల్‌ కాస్మోస్‌ పేర్కొంది. అగ్నిబాన్‌ సెమీ క్రయోజెనిక్‌ రాకెట్‌. ఈ టెస్ట్‌ ఫ్లైట్‌ను శ్రీహరికోటలోని ఇస్రో సతీష్‌ ధావన్‌ స్పేస్‌ సెంటర్‌లోని అగ్నికుల్‌ లాంచ్‌ ప్యాడ్‌ నుంచి ప్రయోగించాల్సి ఉంది. ఇంతకు ముందు శనివారం ఉదయం 7.45 గంటలకు ప్రయోగం చేపట్టేందుకు ప్రయత్నం చేసినా విజయవంతం కాలేదు.

ఈ క్రమంలో ఆదివారం లాంచ్‌ చేయాలని నిర్ణయించగా.. మరోసారి వాయిదా పడింది. ఐఐటీ చెన్నై ఇంక్యుబేట్ స్టార్టప్ ప్రకారం.. అగ్నిబాన్‌ ప్రయోగాన్ని రాకెట్‌ లాంచ్‌ సమయానికి 92 ముందు నిలిచిపోయింది. స్టార్టప్‌ స్కైరూట్‌ ఏరోస్పేస్‌ 2022 నవంబర్‌లో విక్రమ్ ఎస్‌ సబ్‌ ఆర్బిటల్‌ రాకెట్‌ను ప్రయోగించిన విషయం తెలిసిందే. దేశంలోనే రెండో ప్రైవేట్‌ రాకెట్‌ను అగ్నికుల్‌ను ప్రయోగించాలని కంపెనీ భావించింది. ఈ రాకెట్‌ దాదాపు 700 కిలోమీటర్ల కక్ష్యలోకి 300 కిలోల వరకు పేలోడ్‌ను మోసుకువెళ్లగలదని కంపెనీ పేర్కొంది. ఈ రాకెట్‌లో సెమీ క్రయోజెనిక్ ఇంజిన్ ఉంటుంది.

ఇండియన్ స్పేస్ రీసెర్చ్ ఆర్గనైజేషన్ (ఇస్రో) ఇప్పటి వరకు ఈ సాంకేతికను వినియోగించలేదు. దీన్ని పూర్తిగా దేశీయంగా అభివృద్ధి చేశారు. అగ్నిబాన్‌ రాకెట్‌ అగ్నిలెట్‌ ఇంజిన్‌తో రాకెట్‌ నడవడం విశేషం. ఇది త్రీడీ ప్రింటెడ్‌ 6 కేఎన్‌ సెమీ క్రయోజనిక్‌ ఇంజిన్‌ సాయంతో నిలువునా నింగిలోకి దూసుకెళ్తుంది. అగ్నికుల్‌ రాకెట్‌ 18 మీటర్లు ఎత్తు కలిగి 1.3 మీటర్లు వెడల్పు ఉంది. ప్రయోగ సమయంలో 14వేల కిలోల బరువు కలిగి ఉంటుంది. ఈ అగ్నిలెట్‌ ఇంజిన్లలో ద్రవ ఆక్సిజన్, ద్రవ ఆక్సిడైజర్‌ అనే ఇంధనం సాయంతో మూడు దశలుగా రాకెట్‌ని ప్రయోగిస్తారు.