కోల్కతా: ఒక బైక్ను ఆపేందుకు ట్రాఫిక్ పోలీసులు ప్రయత్నించారు. అయితే వారి బారి నుంచి తప్పించుకునేందుకు యువకుడు ప్రయత్నించాడు. ఈ క్రమంలో బైక్ వెనుక కూర్చొన్న ప్రియురాలిని కిందకు తోసి అక్కడి నుంచి పారిపోయాడు (Youth Throws Off Girlfriend From Bike and Flees). ఈ వీడియో క్లిప్ సోషల్ మీడియాలో వైరల్ అయ్యింది. ఒక యువకుడు తన ప్రియురాలితో కలిసి బైక్పై వెళ్తున్నాడు. ఒక జంక్షన్ వద్ద ఆ బైక్ను ఆపేందుకు ట్రాఫిక్ పోలీస్ ప్రయత్నించాడు. దీంతో అతడు అక్కడి నుంచి తప్పించుకునేందుకు ప్లాన్ వేశాడు. వేగంగా పారిపోయేందుకు బైక్ను రైజ్ చేయడంతో బైక్ వెనుక కూర్చొన్న ప్రియురాలు అదుపుతప్పి రోడ్డుపై పడింది.
కాగా, ప్రియురాలు బైక్ నుంచి కిందపడినప్పటికీ ఆ యువకుడు పట్టించుకోలేదు. అడ్డుగా వచ్చిన స్కూటీ వ్యక్తిని తప్పించుకుని బైక్పై అక్కడి నుంచి పారిపోయాడు. అయితే గాయపడిన యువతిని ట్రాఫిక్ పోలీస్ రోడ్డు పక్కకు తీసుకెళ్లాడు. ఆమె ద్వారా ఆ యువకుడి వివరాలు తెలుసుకున్నాడు. అభిషేక్ ఆనంద్ అనే జర్నలిస్ట్, సోమవారం ఎక్స్లో ఈ వీడియో క్లిప్ను పోస్ట్ చేశారు. ‘ఈ అబ్బాయి తన గర్ల్ఫ్రెండ్ కోసం చలాన్ చెల్లించలేకపోయాడు. అందుకే ఆమెను బైక్ పై నుంచి తోసి పారిపోయాడు. అలాంటి వ్యక్తితో బ్రేకప్ కోసం ఈ అమ్మాయి ఆలస్యం చేయకూడదు’ అని అందులో పేర్కొన్నారు.
మరోవైపు ఈ సంఘటన ఎప్పుడు, ఎక్కడ జరిగింది అన్నది ఆ జర్నలిస్ట్ వెల్లడించలేదు. అయితే ట్రాఫిక్ పోలీసుల డ్రెస్ ఆధారంగా పశ్చిమ బెంగాల్లో ఇది జరిగినట్లు తెలుస్తున్నది. ఈ వీడియో క్లిప్ సోషల్ మీడియాలో వైరల్ అయ్యింది. నెటిజన్లు కూడా భిన్నంగా స్పందించారు. ప్రియురాలిని వదిలి పారిపోయిన యువకుడి తీరును పలువురు తప్పుపట్టారు.
लड़की को breakup में देर नहीं करनी चाहिए
ऐसे बहुत आयेंगे जाएँगे
यह लड़का गर्लफ़्रेंड के लिये एक चालान नहीं भर सका
बीच सड़क बाइक से उतार दिया— Abhishek Anand Journalist 🇮🇳 (@TweetAbhishekA) August 14, 2023