ఎల్పీజీ సబ్సిడీకి ఆధార్‌ బయోమెట్రిక్‌ తప్పనిసరి

వంటగ్యాస్‌ వినియోగదారులకు కేంద్ర ప్రభుత్వం కీలక నిబంధన తీసుకొచ్చింది. సబ్సిడీ ధరకు ఎల్పీజీ సిలిండర్లు పొందాలంటే ఆధార్‌ బయోమెట్రిక్‌ అథెంటిఫికేషన్‌ పూర్తి చేయాల్సిందేనని తాజాగా పేర్కొంది. అక్టోబర్‌ ఒకటి నుంచి ఈ నిబంధన అమల్లోకి రానుంది. ఈ విషయాన్ని ఇండియన్‌ ఆయిల్‌ కార్పొరేషన్‌ లిమిటెడ్‌(ఐఓసీఎల్‌) సమాచార హక్కు చట్టం(ఆర్టీఐ) కింద ఇచ్చిన సమాచారంలో వెల్లడించింది.

• గతంలో అవసరం లేదని ఇప్పుడు మాటమార్చిన కేంద్రం

న్యూఢిల్లీ: వంటగ్యాస్‌ వినియోగదారులకు కేంద్ర ప్రభుత్వం కీలక నిబంధన తీసుకొచ్చింది. సబ్సిడీ ధరకు ఎల్పీజీ సిలిండర్లు పొందాలంటే ఆధార్‌ బయోమెట్రిక్‌ అథెంటిఫికేషన్‌ పూర్తి చేయాల్సిందేనని తాజాగా పేర్కొంది. అక్టోబర్‌ ఒకటి నుంచి ఈ నిబంధన అమల్లోకి రానుంది. ఈ విషయాన్ని ఇండియన్‌ ఆయిల్‌ కార్పొరేషన్‌ లిమిటెడ్‌(ఐఓసీఎల్‌) సమాచార హక్కు చట్టం(ఆర్టీఐ) కింద ఇచ్చిన సమాచారంలో వెల్లడించింది. 2024లో పెట్రోలియం, సహజవాయువు శాఖ(ఎంఓపీఎన్‌జీ) జారీ చేసిన ప్రకటనల్లో ఆధార్‌ బయోమెట్రిక్‌ ధ్రువీకరణ పూర్తి చేయని వినియోగదారులకు ఎలాంటి సేవలు లేదా ప్రయోజనాలు నిలిపివేయలేదని పేర్కొంది.

వినియోగదారులు బయో మెట్రిక్‌ అథెంటిఫికేషన్‌ చేసుకోవాలని మాత్రమే సూచించింది. అప్పట్లో దీనిని తప్పనిసరి అని స్పష్టంగా పేర్కొనలేదు. తాజా సమాచారం ప్రకారం సబ్సిడీ ధరకు ఎల్పీజీ రీఫిల్‌ పొందాలంటే, బయోమెట్రిక్‌ ఆధార్‌ అథెంటిఫికేషన్‌ పూర్తి చేయాల్సి ఉంటుంది. ఈ కేవైసీ ప్రక్రియ ఒక్కసారి పూర్తి చేస్తే సరిపోతుందని తెలిపింది. దీనికి ఎలాంటి రుసుము వసూలు చేయబోమని స్పష్టం చేసింది.