అతడి పేరు మామ్మిక్కా. వయసు 60 ఏళ్లు. కేరళలోని కొజికోడ్ జిల్లా. కూలీ పని చేస్తూ జీవనాన్ని సాగించే మామ్మిక్కాకు అదృష్టం తలుపుతట్టింది. దీంతో ఓవర్నైట్ సెలబ్రిటీ అయిపోయాడు. మోడల్ అయిపోయి.. పలు బ్రాండ్స్కు బ్రాండ్ అంబాసిడర్ కూడా అయిపోయాడు. నిన్నటి దాకా రోజుకు 100 రూపాయల కూలీకి పనిచేసిన వ్యక్తి నేడు లక్షలు సంపాదిస్తున్నాడు. ఇదంతా ఎలా సాధ్యం అయింది.. నమ్మశక్యంగా లేదు కదా.. పదండి.. ఓసారి మామ్మిక్కాను పలకరించి వద్దాం.
నిజానికి.. మామ్మిక్కా జీవితం ఒక్కసారిగా యూటర్న్ తీసుకోవడానికి కారణం ఫోటోగ్రాఫర్ షరీక్ వాయాలిల్. మామ్మిక్కాను చూసి.. అతడిలో ఏదో ఉందని గమనించి.. అతడిని ఓవర్నైట్ స్టార్ను చేశాడు. మోడల్ను చూసి జీవితం ఇచ్చాడు.
మామ్మిక్కాను ఫోటో తీసి దాన్ని తన సోషల్ మీడియాలో సరదాగా పోస్ట్ చేశాడు షరీక్. ఆ ఫోటో సోషల్ మీడియాలో వైరల్ అవడంతో పాటు.. అచ్చం నటుడు వినాయకన్లా ఉన్నాడంటూ నెటిజన్లు కామెంట్లు చేశారు. దీంతో మామ్మిక్కాను ఎలాగైనా మోడల్ చేయాలని అనుకున్నాడు షరీక్.
తన వెడ్డింగ్ సూట్ కంపెనీకి మోడల్గా ఉండాలని మామ్మిక్కాను కోరాడు. వెంటనే బ్యూటీ పార్లర్కు తీసుకెళ్లి మామ్మిక్కాకు మేకోవర్ చేసి.. సూట్ వేసి ఫోటోషూట్ తీసి దాన్ని సోషల్ మీడియాలో పోస్ట్ చేశాడు. ఆఫోటోలకు విపరీతంగా క్రేజ్ వచ్చింది. ఆ తర్వాత కొన్ని ఇతర కంపెనీలు కూడా మామ్మిక్కాను తమ కంపెనీలకు బ్రాండ్ అంబాసిడర్గా ఉండాలంటూ కబురు పంపాయట. మోడల్గా కొనసాగుతూనే తన కూలీ పనిని కూడా చేస్తానని.. అన్నం పెట్టిన ఆ పనిని వదులుకోనని ఈసందర్భంగా మామ్మిక్కా చెప్పుకొచ్చాడు. ఇప్పుడు మోడల్గా లక్షలు సంపాదిస్తూ తన జీవితాన్ని ఒక్క రోజులో మార్చేసుకున్నాడు మామ్మిక్కా.