Supreme Court: డాక్ట‌ర్ల స‌మ్మె వ‌ల్ల 23 మంది రోగులు మృతి… సుప్రీంకు చెప్పిన బెంగాల్ స‌ర్కారు

Supreme Court: బెంగాల్‌లో 23 మంది రోగులు మృతిచెందిన‌ట్లు ప‌శ్చిమ రాష్ట్ర స‌ర్కార్ ఇవాళ సుప్రీంకోర్టుకు తెలిపింది. డాక్ట‌ర్ల స‌మ్మె వ‌ల్ల ఆ రోగులు మృతిచెందిన‌ట్లు వెల్ల‌డించింది.

న్యూఢిల్లీ: డాక్ట‌ర్ల నిర‌స‌న వ‌ల్ల రాష్ట్ర‌వ్యాప్తంగా 23 మంది రోగులు మృతిచెందిన‌ట్లు ప‌శ్చిమ బెంగాల్ స‌ర్కార్ ఇవాళ సుప్రీంకోర్టు(Supreme Court)కు వెల్ల‌డించింది. కోల్‌క‌తాలోని ఆర్జీ క‌ర్ మెడిక‌ల్ కాలేజీలో ట్రైనీ వైద్యురాలి హ‌త్యాచారం త‌ర్వాత బెంగాల్‌లో నిర‌స‌న ప్ర‌ద‌ర్శ‌న‌లు కొన‌సాగుతున్న విష‌యం తెలిసిందే. ఆ కేసుపై విచార‌ణ సంద‌ర్భంగా  బెంగాల్ స‌ర్కారు త‌ర‌పున క‌పిల్ సిబ‌ల్ వాదించారు. రాష్ట్ర ప్ర‌భుత్వం ఇచ్చిన స్టేటస్ రిపోర్టును ఆయ‌న సీజే డీవై చంద్ర‌చూడ్ నేతృత్వంలోని ధ‌ర్మాస‌నంకు స‌మ‌ర్పించారు. రాష్ట్ర ఆరోగ్య‌శాఖ ఆ నివేదిక‌ను ఫైల్ చేసింద‌ని, డాక్ట‌ర్ల స‌మ్మె వ‌ల్ల ఇప్ప‌టి వ‌ర‌కు 23 మంది మ‌ర‌ణించిన‌ట్లు సిబ‌ల్ తెలిపారు. సుప్రీం ధ‌ర్మాస‌నంలో జేబీ ప‌ర్దివాలా, మ‌నోజ్ మిశ్రా ఉన్నారు. సీబీఐతో పాటు రాష్ట్ర ప్ర‌భుత్వం స‌మ‌ర్పించిన నివేదిక‌ను సుప్రీంకోర్టును ప‌రిశీలిస్తున్న‌ది.