Girl falls into water tank, 4 Dies | నీటి ట్యాంకులో పడిన బాలిక.. రక్షించే క్రమంలో ఆమెతో సహా నలుగురు మృతి

Girl falls into water tank, 4 Dies | వ్యవసాయ క్షేత్రంలో నిర్మించిన నీటి ట్యాంక్‌ నుంచి నీరు తెచ్చే క్రమంలో ఒక బాలిక అందులో పడింది. ఆమెను రక్షించేందుకు ఇద్దరు సోదరులు కూడా అందులోకి దిగారు. వారి బంధువైన మరో యువకుడు వారిని కాపాడేందుకు ప్రయత్నించాడు. ఈ నలుగురు ఆ నీటి ట్యాంకులో మునిగి మరణించారు.

జైపూర్‌: వ్యవసాయ క్షేత్రంలో నిర్మించిన నీటి ట్యాంక్‌ నుంచి నీరు తెచ్చే క్రమంలో ఒక బాలిక అందులో పడింది. ఆమెను రక్షించేందుకు ఇద్దరు సోదరులు కూడా అందులోకి దిగారు. వారి బంధువైన మరో యువకుడు వారిని కాపాడేందుకు ప్రయత్నించాడు. ఈ నలుగురు ఆ నీటి ట్యాంకులో మునిగి మరణించారు. రాజస్థాన్‌లోని బికనేర్ జిల్లాలో ఈ సంఘటన జరిగింది. (Girl falls into water tank, 4 Dies) ఛత్తర్‌గఢ్ పోలీస్ స్టేషన్ పరిధిలోని కుగ్రామంలో నివసించే 14 ఏళ్ల బాలిక, బుధవారం మధ్యాహ్నం స్థానిక వ్యవసాయ క్షేత్రంలో నిర్మించిన నీటి ట్యాంక్‌ వద్దకు వెళ్లింది. నీరు తోడుతుండగా కాలు జారడంతో ఆమె అందులో పడిపోయింది.

కాగా, ఆ బాలికను రక్షించేందుకు 18, 16 ఏళ్ల వయసున్న ఆమె ఇద్దరు సోదరులు ఆ నీటి ట్యాంకులోకి దూకారు. వారికి ఈత రాకపోవడంతో తమ చెల్లిని కాపాడలేకపోయారు. వారి కజిన్‌ అయిన 21 ఏళ్ల యువకుడు ఆ ముగ్గురినీ రక్షించేందుకు ఆ నీటి ట్యాంకులోకి దిగాడు. అయితే ఆ నలుగురూ అందులో మునిగి మరణించారు. దీంతో వారి కుటుంబాలు విషాదంలో మునిగిపోయాయి.

మరోవైపు ఈ సమాచారం తెలుసుకున్న పోలీసులు సంఘటనా స్థలానికి చేరుకున్నారు. నీటి ట్యాంకులో మునిగి మరణించిన నలుగురు పిల్లల మృతదేహాలను వెలికితీశారు. పోస్ట్‌మార్టం కోసం ప్రభుత్వ ఆసుపత్రికి తరలించారు. ఈ సంఘటనపై కేసు నమోదు చేసి దర్యాప్తు చేస్తున్నట్లు పోలీస్‌ అధికారి తెలిపారు.