మంగుళూరు: కర్నాటకలో 125 కేజీల ఎర్ర చందనాన్ని(Red Sanders) సీజ్ చేశారు. ఈ కేసులో ఇద్దర్ని అరెస్టు చేశారు. దక్షిణ కన్నడ జిల్లాలోని బేల్తంగడి తాలూకాలో అక్రమంగా తరలిస్తున్న ఎర్ర చందనాన్ని పట్టుకున్నారు. వెన్నూరు అటవీశాఖ అధికారులకు ఎర్ర చందనం కర్రెలను అప్పగించారు. ఈ కేసులో మవినకట్టెకు చెందిన ఇద్దరు వ్యక్తుల్ని అరెస్టు చేశారు. బెంగుళూరుకు చెందిన సీఐడీ(ఫారెస్ట్ యూనిట్) పోలీసులు ఈ దాడిలో పాల్గొన్నారు. అయితే సీజ్ చేసిన ఎర్ర చందనం విలువ సుమారు 6.5 లక్షలు ఉంటుందని పోలీసులు అంచనా వేస్తున్నారు.