Visit:
లక్నో: ఉత్తరప్రదేశ్‌లోని (Uttar Pradesh) గోండాలో ఘోర ప్రమాదం చోటు చేసుకొంది. 15 మంది భక్తులతో వెళ్తున్న బొలెరో వాహనం పరాసరాయ్‌-ఆలవాల్‌ డియోర మార్గంలోని రేహారి గ్రామం వద్ద అదుపుతప్పి సరయూ కాలువలో (Saryu Canal) పడిపోయింది. దీంతో కారులో ఉన్న 11 మంది జలసమాధి అయ్యారు. మరో నలుగురు తీవ్రంగా గాయపడ్డారు. బాధితులంతా మోతీగంజ్‌ పోలీస్‌ పరిధిలోని సిహాగావ్‌కు చెందిన వారని, పృథ్వీనాథ్‌ ఆలయానికి (Prithvinath temple) వెళ్తుండగా ఈ ప్రమాదం చోటుచేసుకుందని పోలీసులు తెలిపారు. ప్రమాదం జరిగిన సమయంలో వాహనంలో 15 మంది ఉన్నారని, నలుగురిని స్థానికులు కాపాడినట్లు చెప్పారు.
కాగా, ప్రమాద ఘటనపై యూపీ సీఎం యోగి ఆదిత్యనాథ్‌ సంతాపం వ్యక్తం చేశారు. తమ ఆప్తులను కోల్పోయిన కుటుంబాలకు ప్రగాఢ సానుభూతి వ్యక్తం చేశారు. సహాయక చర్యలను ముమ్మరం చేయాలని అధికారులకు సూచించారు. గాయపడిన వారికి మెరుగైన వైద్యచికిత్స అందజేయాలని ఆదేశించారు.
CM Yogi Adityanath has taken cognisance of the accident in Gonda and expressed condolences to the bereaved families. He has directed the officials to reach the spot and speed up the relief operations. He has also directed for the proper medical treatment of the injured: Uttar… https://t.co/af9KZa20Bs
— ANI (@ANI) August 3, 2025
