Covid-19 | 124 మంది విదేశీ ప్రయాణికుల్లో.. 11 రకాల సబ్‌ వేరియంట్లు గుర్తింపు..!

కొత్త వేరియంట్‌ కారణంగా మరోసారి కొవిడ్‌ ముప్పు పొంచి ఉండటంతో ప్రజలు భయంతో వణికిపోతున్నారు. చైనా, జపాన్‌, దక్షిణ కొరియా తదితర దేశాల్లో బయటపడిన ఒమిక్రాన్‌ బీఎఫ్‌-7 రకం కరోనా వైరస్‌ నేపథ్యంలో కేంద్రం అప్రమత్తమైంది. విదేశాల నుంచి వచ్చిన ప్రతి ఒక్కరికీ విమానాశ్రయాలు, పోర్టుల్లో పరీక్షలు నిర్వహిస్తోంది.

Covid-19 | ప్రపంచ వ్యాప్తంగా మరోసారి కొవిడ్‌ భయాలు మొదలయ్యాయి. గత కొన్ని రోజులుగా అదుపులోనే ఉందనుకున్న వైరస్‌ మరోసారి విజృంభిస్తోంది. కొత్త వేరియంట్‌ కారణంగా మరోసారి కొవిడ్‌ ముప్పు పొంచి ఉండటంతో ప్రజలు భయంతో వణికిపోతున్నారు. చైనా, జపాన్‌, దక్షిణ కొరియా తదితర దేశాల్లో బయటపడిన ఒమిక్రాన్‌ బీఎఫ్‌-7 రకం కరోనా వైరస్‌ నేపథ్యంలో కేంద్రం అప్రమత్తమైంది. విదేశాల నుంచి వచ్చిన ప్రతి ఒక్కరికీ విమానాశ్రయాలు, పోర్టుల్లో పరీక్షలు నిర్వహిస్తోంది.

ఈ పరీక్షల్లో గత 11 రోజుల్లో మొత్తం 124 మంది విదేశీ ప్రయాణికుల్లో కరోనా వైరస్‌ బయటపడినట్లు సంబంధిత వర్గాలు వెల్లడించాయి. డిసెంబర్‌ 23వ తేదీ నుంచి జనవరి 3వ తేదీ వరకు ఎయిర్‌పోర్స్ట్‌, సీపోర్ట్స్‌, లాండ్‌ పోర్ట్స్‌ల్లో విదేశాల నుంచి వచ్చిన 19,227 మందికి కరోనా నిర్ధారణ పరీక్షలు చేయగా.. 124 మందిలో వైరస్‌ బయటపడినట్లు తెలిపాయి. ఒమిక్రాన్‌కు సంబంధించిన 11 రకాల సబ్‌ వేరియంట్లు వీరిలో గుర్తించినట్లు వెల్లడించాయి.