పబ్లిక్‌ హెల్త్‌ ఎమర్జెన్సీగా తుపాకీ హింస

అమెరికాలో తుపాకీ హింస ప్రజారోగ్య అత్యవసర పరిస్థితిగా మారిందని ఆ దేశ సర్జన్‌ జనరల్‌ డాక్టర్‌ వివేక్‌ మూర్తి మంగళవారం చెప్పారు.

• అమెరికా సర్జన్‌ జనరల్‌ డాక్టర్‌ వివేక్‌ మూర్తి

వాషింగ్టన్‌: అమెరికాలో తుపాకీ హింస ప్రజారోగ్య అత్యవసర పరిస్థితిగా మారిందని ఆ దేశ సర్జన్‌ జనరల్‌ డాక్టర్‌ వివేక్‌ మూర్తి మంగళవారం చెప్పారు. ఓ వార్తా సంస్థకు మంగళవారం ఇచ్చిన ఇంటర్వ్యూలో ఆయన మాట్లాడుతూ, తుపాకీ హింస వల్ల మరణాలను తగ్గించడం కోసం కఠిన చర్యలు తీసుకోవాలని చెప్పారు.

ఆటోమేటిక్‌ రైఫిల్స్‌ను నిషేధించాలని, తుపాకులను కొనాలనుకునేవారి నేపథ్యాన్ని తనిఖీ చేయాలని తెలిపారు. తుపాకుల తయారీ పరిశ్రమను క్రమబద్ధీకరించాలని, బహిరంగ ప్రదేశాల్లో తుపాకుల వినియోగంపై ఆంక్షలు విధించాలని చెప్పారు.