మోట‌కొండూర్‌లో రెండు ఇసుక‌ ట్రాక్టర్లు పట్టివేత

మోటకొండూర్ మండలంలో ఇసుక అక్రమ రవాణా చేస్తున్న రెండు ట్రాక్టర్లను పోలీసులు పట్టుకున్నారు. మోటకొండూర్ గ్రామానికి చెందిన నల్ల నరేశ్‌, నారి సురేశ్‌కు చెందిన రెండు ట్రాక్టర్లు అక్రమంగా ఇసుక రవాణా చేస్తుండగా పోలీసులు గుర్తించి...

మోటకొండూర్, నవంబర్ 07 : మోటకొండూర్ మండలంలో ఇసుక అక్రమ రవాణా చేస్తున్న రెండు ట్రాక్టర్లను పోలీసులు పట్టుకున్నారు. మోటకొండూర్ గ్రామానికి చెందిన నల్ల నరేశ్‌, నారి సురేశ్‌కు చెందిన రెండు ట్రాక్టర్లు అక్రమంగా ఇసుక రవాణా చేస్తుండగా పోలీసులు గుర్తించి అదుపులోకి తీసుకున్నారు. ట్రాక్టర్లను పోలీస్ స్టేషన్‌కు తరలించి కేసు నమోదు చేశారు. ఈ ఘటనకు సంబంధించి ట్రాక్టర్ డ్రైవర్లతో పాటు యజమానులపై కేసులు నమోదు చేసినట్లు పోలీసులు తెలిపారు. ఈ సందర్భంగా ఎస్ఐ కుమారస్వామి యాదవ్ మాట్లాడుతూ.. మండలంలో అక్రమ ఇసుక రవాణా, ఇతర చట్టవిరుద్ధ కార్యకలాపాలపై ప్రత్యేక నిఘా కొనసాగిస్తున్నట్లు వెల్లడించారు. ప్రభుత్వ నిబంధనలకు విరుద్ధంగా ఇసుక తరలిస్తూ ప్రజా వనరులను దుర్వినియోగం చేసే వారిపై కఠిన చర్యలు తీసుకుంటామని స్పష్టం చేశారు.