రోగుల‌కు నాణ్యమైన వైద్య సేవలు అందించాలి : డీఎంహెచ్ఓ డా.రాహుల్

ప్రాథమిక ఆరోగ్య కేంద్రాలకు వచ్చే రోగుల‌కు నాణ్యమైన వైద్య సేవలు అందేలా బాధ్యతాయుతంగా విధులు నిర్వర్తించాలని న‌ల్ల‌గొండ జిల్లా వైద్య & ఆరోగ్య శాఖాధికారి డాక్టర్ రాహుల్ సిబ్బందికి సూచించారు. బుధవారం చండూరు మండల కేంద్రంలోని ప్రాథమిక ఆరోగ్య కేంద్రాన్ని ఆయన....

చండూరు, అక్టోబర్ 14 : ప్రాథమిక ఆరోగ్య కేంద్రాలకు వచ్చే రోగుల‌కు నాణ్యమైన వైద్య సేవలు అందేలా బాధ్యతాయుతంగా విధులు నిర్వర్తించాలని న‌ల్ల‌గొండ జిల్లా వైద్య & ఆరోగ్య శాఖాధికారి డాక్టర్ రాహుల్ సిబ్బందికి సూచించారు. బుధవారం చండూరు మండల కేంద్రంలోని ప్రాథమిక ఆరోగ్య కేంద్రాన్ని ఆయన ఆకస్మికంగా తనిఖీ చేశారు. ఈ సందర్భంగా డీఎంహెచ్ఓ మాట్లాడుతూ.. వైద్య సిబ్బంది ఎల్లప్పుడూ ప్రజలకు అందుబాటులో ఉండాలన్నారు. సీజనల్ వ్యాధులు ప్రబలకుండా అప్రమత్తంగా వ్య‌వ‌హ‌రించాల‌న్నారు. అర్హులైన బాలికలు గర్భాశయ హెచ్ పి వి వ్యాక్సిన్ తీసుకునేలా చర్యలు చేపట్టాలన్నారు. అనంతరం మందుల నిల్వలను, గడువు తేదీలను ,పలు రికార్డులను పరిశీలించారు. అలాగే నిర్మాణంలో ఉన్న పీహెచ్‌సీ నూతన భవన నిర్మాణ పనులను పర్యవేక్షించారు. ఆయన వెంట హెచ్ఈఈఓ అంజయ్య, రంజిత్, వైద్యాధికారి డాక్టర్ సంధ్య, హెల్త్ సూపర్‌వైజ‌ర్ వెంకటేశం, పీహెచ్‌సీ వైద్య సిబ్బంది ఉన్నారు.