ఎమ్మెల్యే వేముల వీరేశంకు తప్పిన ప్రమాదం

ప్రభుత్వ విప్, నకిరేకల్ ఎమ్మెల్యే వేముల వీరేశంకు తృటిలో ప్రమాదం తప్పింది. ఆయన ప్రయాణిస్తున్న వాహనాన్ని మరో కారు ఢీకొట్టడంతో ఈ ఘటన చోటుచేసుకుంది. గురువారం నకిరేకల్ నుండి...

– చెర్వు అన్నారం స్టేజీ వద్ద ఎమ్మెల్యే వాహనాన్ని ఢీకొట్టిన మరో కారు

కట్టంగూర్, నవంబర్ 05 : ప్రభుత్వ విప్, నకిరేకల్ ఎమ్మెల్యే వేముల వీరేశంకు తృటిలో ప్రమాదం తప్పింది. ఆయన ప్రయాణిస్తున్న వాహనాన్ని మరో కారు ఢీకొట్టడంతో ఈ ఘటన చోటుచేసుకుంది. గురువారం నకిరేకల్ నుండి చిట్యాల మండలం చినకాపర్తి గ్రామానికి ఎమ్మెల్యే వేముల వీరేశం తన వాహనంలో వెళ్తుండగా కట్టంగూర్ మండలం చెర్వు అన్నారం స్టేజీ సమీపంలో జాతీయ రహదారిపై మరో కారు ఆయన వాహనాన్ని ఢీకొట్టింది. ఈ ప్రమాదంలో ఎమ్మెల్యే ప్రయాణిస్తున్న కారు దెబ్బ‌తిన్న‌ది. అయితే ఈ ఘటనలో ఎమ్మెల్యేకు ఎలాంటి ప్రమాదం జరగకపోవడంతో అందరూ ఊపిరి పీల్చుకున్నారు. ప్రమాదానికి గల కారణాలపై పూర్తి వివరాలు తెలియాల్సి ఉంది.