కాచారంలో తక్షణమే మైనింగ్ తవ్వకాలు ఆపాలి : ఎమ్మెల్సీ నెల్లికంటి సత్యం

తప్పుడు ప్రజాభిప్రాయ సేకరణతో అక్రమ అనుమతులు పొందిన మైనింగ్ కంపెనీలు ప్రజల జీవితాలతో చెలగామాడుతూ ప్రకృతి విద్వాంసానికి పాల్పడుతున్నాయని సిపిఐ నల్లగొండ జిల్లా కార్యదర్శి, ఎమ్మెల్సీ నెల్లికంటి సత్యం అన్నారు. నల్లగొండ జిల్లా దేవరకొండ మండలంలోని కాచారం గ్రామంలో నెలకొల్పిన మైనింగ్ వల్ల...

– తప్పుడు ప్రజాభిప్రాయ సేకరణతో అక్రమ అనుమతులు

దేవ‌ర‌కొండ రూర‌ల్‌, అక్టోబ‌ర్ 22 : తప్పుడు ప్రజాభిప్రాయ సేకరణతో అక్రమ అనుమతులు పొందిన మైనింగ్ కంపెనీలు ప్రజల జీవితాలతో చెలగామాడుతూ ప్రకృతి విద్వాంసానికి పాల్పడుతున్నాయని సిపిఐ నల్లగొండ జిల్లా కార్యదర్శి, ఎమ్మెల్సీ నెల్లికంటి సత్యం అన్నారు. నల్లగొండ జిల్లా దేవరకొండ మండలంలోని కాచారం గ్రామంలో నెలకొల్పిన మైనింగ్ వల్ల ఆ గ్రామ ప్రజలు తీవ్ర ఇబ్బందు పడుతూ, అనారోగ్య సమస్యలతో బాధపడుతూ, పంటలను కోల్పోతూ శ్వాస కోశ వ్యాధులతో ప్రాణాలు కోల్పోతున్నార‌న్నారు. కావునా తక్షణమే మైనింగ్ పనులు ఆపివేయాలని డిమాండ్ చేశారు. కాచారం గ్రామ ప్రజలు చేస్తున్న 11వ రోజు దీక్షకు నల్లగొండ జిల్లా కమ్యూనిస్ట్ పార్టీ (సిపిఐ )పక్షాన సిపిఐ జిల్లా కార్యదర్శి, ఎమ్మెల్సీ నెల్లికంటి సత్యం, సిపిఐ రాష్ట్ర కార్యవర్గ సభ్యులు పల్లా నర్సింహా రెడ్డి, సిపిఐ జిల్లా సహాయ కార్యదర్శి పల్లా దేవేందర్ రెడ్డి, సిపిఐ జిల్లా కార్యవర్గ సభ్యులు తూం బుచ్చిరెడ్డి బృందం సంఘీభావం తెలిపారు. ఈ సందర్బంగా ప్రజలతో మాట్లాడిన వారు మైనింగ్ వల్ల కలుగుతున్న ఇబ్బందులు తెలుసుకున్నారు. కాచారం గ్రామాన్ని అన్నివిధాలుగా అభివృద్ధి చేస్తామని, నిరుద్యోగులకు ఉద్యోగ అవకాశాలు కల్పిస్తామని భ్రమలు కల్పించిన‌ట్లు తెలిపారు. గ్రీన్ ట్రైబ్యునల్ ప్రజాభిప్రాయ సేకరణలో గ్రామస్తులు వ్యతిరేకించినా కంపెనీ వారే కొంతమందిని ఏర్పాటు చేసుకుని తప్పుడు ప్రజాభిప్రాయంతో మైనింగ్ కొన‌సాగిస్తున్నార‌ని, త‌క్ష‌ణ‌మే అక్ర‌మ మైనింగ్‌ను నిలిపివేయాల‌ని వారు హెచ్చ‌రించారు.