‘రైతు సంఘం మహాసభలను జయప్రదం చేయాలి’

ఈ నెల 15 నుండి 18 వరకు నల్లగొండలో జరిగే అఖిల భారత రైతు సంఘం మహా సభలను జయప్రదం చేయాలని తెలంగాణ రైతు సంఘం రాష్ట్ర కమిటీ సభ్యుడు కొలిశెట్టి యాదగిరిరావు పిలుపునిచ్చారు.

తుంగ‌తుర్తి, న‌వంబ‌ర్ 05 : ఈ నెల 15 నుండి 18 వరకు నల్లగొండలో జరిగే అఖిల భారత రైతు సంఘం మహా సభలను జయప్రదం చేయాలని తెలంగాణ రైతు సంఘం రాష్ట్ర కమిటీ సభ్యుడు కొలిశెట్టి యాదగిరిరావు పిలుపునిచ్చారు. గురువారం తుంగతుర్తి మండలం గొట్టిపర్తిలో మహాసభలను జయప్రదం చేయాలని కోరుతూ ఇంటింటా ప్రచారం నిర్వహించారు. ఈ సందర్భంగా ఆయన మాట్లాడుతూ రైతాంగం ఎదుర్కొంటున్న సమస్యలపై సమగ్రంగా చర్చించి వాటి పరిష్కారానికి ఉద్యమ కార్యాచరణను రూపొందించనున్నట్లు తెలిపారు. ఈ కార్యక్రమంలో సిపిఎం పార్టీ జిల్లా కమిటీ సభ్యుడు బుర్ర శ్రీనివాస్, మండల కమిటీ సభ్యులు బోనాల వెంకన్న, జాజుగాల్ల ముత్తయ్య, మడి పెద్ది యాదగిరి, చంద్రయ్య పాల్గొన్నారు.