యాసంగిలో ఆరుతడి పంటల సాగు మేలు : ఏడీఏ స‌రిత

యాసంగిలో వరి సాగుకు బదులుగా రైతులు ఆరుతడి పంటలను సాగు చేయాల‌ని ఏడీఏ సరిత అన్నారు. శుక్రవారం గుర్రంపోడ్ మండలంలోని పాల్వాయి గ్రామంలో ఖేత్ బచావో అభియాన్‌లో భాగంగా పంచాయతీ కార్యాలయంలో రైతులకు అవగాహన సదస్సు..

గుర్రంపోడ్, ఆక్టోబర్ 23 : యాసంగిలో వరి సాగుకు బదులుగా రైతులు ఆరుతడి పంటలను సాగు చేయాల‌ని ఏడీఏ సరిత అన్నారు. శుక్రవారం గుర్రంపోడ్ మండలంలోని పాల్వాయి గ్రామంలో ఖేత్ బచావో అభియాన్‌లో భాగంగా పంచాయతీ కార్యాలయంలో రైతులకు అవగాహన సదస్సు నిర్వహించి మాట్లాడారు. నీటి లభ్యత, వాతావరణ పరిస్థితులను బట్టి పంటలు సాగు చేయాలని, నీటి వసతి తక్కువగా ఉన్న ప్రాంతాల్లో వరికి బదులుగా పప్పుధాన్యాలు, నూనె గింజలు, కూరగాయలు వంటి ఆరుతడి పంటలను ప్రోత్సహించాలని సూచించారు. ఏవో మాధవరెడ్డి మాట్లాడుతూ.. నేల పరీక్షల ఆధారంగా సమతుల్య ఎరువులను వినియోగించి భూసారాన్ని పరిరక్షించాలని, సేంద్రియ ఎరువులకు ప్రాధాన్యం ఇవ్వాలని తెలిపారు. ఏఈఓ భగీరథ మాట్లాడుతూ.. పంట అవశేషాలను కాల్చకుండా నేలలో కలపాలని, వర్షపు నీటిని సంరక్షిస్తూ ప్రకృతి వ్యవసాయ పద్ధతులను పాటించాలని సూచించారు. ఈ కార్యక్రమంలో గ్రామ సర్పంచ్ సత్యనారాయణ, ఉప సర్పంచ్ ప్రసాద్, గ్రామ ప్రజాప్రతినిధులు, స్థానిక రైతులు పాల్గొన్నారు.