వర్షాకాలం మొదలైనా సూర్యాపేట జిల్లాలో అంతంత మాత్రంగానే వానలు పడుతున్నాయి. కొద్దిరోజులుగా వేసవిని తలపించేలా ఎండలు ఉండగా మంగళవారం పలుచోట్ల మోస్తరు నుంచి భారీ వర్షం కురిసింది. గరిడేపల్లిలో అత్యధికంగా 65.8 మిల్లీమీటర్ల వర్షపాతం నమోదైంది.
– సూర్యాపేట, జూలై 4
సూర్యాపేట, జూలై 4 : బంగాళాఖాతంలో ఏర్పడిన అల్పపీడనంతో జిల్లాలో వర్షాలు ప్రారంభమయ్యాయి. నిన్న మొన్నటి వరకు వేసవిని తలపించే ఎండలు మండిపోగా.. మంగళవారం సాయత్రం వర్షం రావడంతో ఒక్కసారిగా వాతావరణం చల్లబడింది. జిల్లాలో అత్యధికంగా గరిడేపల్లి మండలంలో 65.8 మిల్లీమీటర్ల వర్షం కురిసింది. మద్దిరాల మండలంలో 41.5మి.మీ, పెన్పహాడ్లో 40, నాగారంలో 32.3, జాజిరెడ్డిగూడెంలో 23మి.మీ., హుజూర్నగర్లో 20.5మి.మీ., సూర్యాపేటలో 20.3, నేరేడుచర్ల మండలంలో 15 మిల్లీమీటర్ల వర్షపాతం నమోదైంది. మిగతా చోట్ల తేలికపాటి వర్షం పడింది.