నల్లగొండలో 25 మంది నామినేషన్లు తిరస్కరణ

వచ్చే నెల 13న జరిగే నల్లగొండ పార్లమెంట్‌ ఎన్నికలకు సంబంధించి 56 మంది అభ్యర్థులు ఆయా పార్టీలతోపాటు స్వతంత్రంగా నామినేషన్లు వేయగా వారిలో 25 మంది నామినేషన్లు తిరస్కరణకు గురయ్యాయి.

• 31 మంది నామినేషన్లకు ఓకే చెప్పిన అధికారులు

నల్లగొండ, ఏప్రిల్‌ 26 : వచ్చే నెల 13న జరిగే నల్లగొండ పార్లమెంట్‌ ఎన్నికలకు సంబంధించి 56 మంది అభ్యర్థులు ఆయా పార్టీలతోపాటు స్వతంత్రంగా నామినేషన్లు వేయగా వారిలో 25 మంది నామినేషన్లు తిరస్కరణకు గురయ్యాయి. ఈ నెల 18 నుంచి 25 వరకు నామినేషన్ల ప్రక్రియ కొనసాగగా నల్లగొండ పార్లమెంట్‌ స్థానానికి 56 మంది అభ్యర్థులు నామినేషన్లు వేశారు.

వారిలో 31 మంది అభ్యర్థుల నామినేషన్లు అంగీకరించగా, 25 మంది అభ్యర్థుల నామినేషన్లు వివిధ కారణాలతో తిరస్కరించారు. ఈ నెల 29న నామినేషన్ల ఉపసంహరణకు ఎన్నికల సంఘం అవకాశం ఇచ్చింది. వచ్చే నెల 13న పోలింగ్‌ నిర్వహించి, జూన్‌ 4న ఫలితాలు వెల్లడించనుంది.

భువనగిరిలో 10 మంది నామినేషన్లు తిరస్కరణ

భువనగిరి పార్లమెంట్‌ ఎన్నికలకు సంబంధించి 61 మంది అభ్యర్థులు ఆయా పార్టీలతోపాటు స్వతంత్రంగా నామినేషన్లు వేయగా వారిలో 10 మంది నామినేషన్లు తిరస్కరణకు గురయ్యాయి. 61 మంది అభ్యర్థుల్లో 51 ఆమోదించగా 10 తిరస్కరించారు.