స్క్రిప్ట్‌ బాగుంటే.. ఓకే!

చాలా సంవత్సరాల తర్వాత.. ‘నిండు నూరేళ్ల సావాసం’ సీరియల్‌ ద్వారా జీ తెలుగులో నటిస్తున్నా. నా పాత్రలో అన్ని భావోద్వేగాలూ ఉంటాయి. ప్రేక్షకుల నుంచి పాజిటివ్‌ రెస్పాన్స్‌ వస్తున్నది. ఇందులో కుటుంబం గురించి ఆలోచించే పాత్ర నాది.

చాలా సంవత్సరాల తర్వాత.. ‘నిండు నూరేళ్ల సావాసం’ సీరియల్‌ ద్వారా జీ తెలుగులో నటిస్తున్నా. నా పాత్రలో అన్ని భావోద్వేగాలూ ఉంటాయి. ప్రేక్షకుల నుంచి పాజిటివ్‌ రెస్పాన్స్‌ వస్తున్నది. ఇందులో కుటుంబం గురించి ఆలోచించే పాత్ర నాది. చాలా ఆసక్తికరమైన కథ. నేను ‘ఆత్మ’గానూ కనిపిస్తాను. నిజానికి నాకు దయ్యాలంటే భయం. కానీ, ఆత్మగా నటించేసరికి ఆ భయం పోయింది. ఈసారి ఎక్కడైనా ఆత్మలు ఎదురైతే.. హాయ్‌ చెబుతాను! కాఫీకి పిలుస్తాను!

గారాలపట్టిని
నా బాల్యం గురించి చెప్పాలంటే.. మా ఇంట్లో అందరూ మగపిల్లలే. నేనొక్కదాన్నే అమ్మాయిని. దీంతో మహా గోముగా పెంచారు. ఎవరో ఒకరు నన్ను ఎత్తుకుని ఆడించేవారు. ఓసారి తడి నేల మీద ఆడుకుంటూ కింద పడిపోయానట. అప్పటి నుంచి అదో ఫోబియాగా మారింది. ఎక్కడ తడి కనిపించినా ఠక్కున ఆగిపోతాను. జాగ్రత్తగా అడుగు లేస్తాను. బాల్యం నుంచీ అమ్మంటే ప్రేమ. కానీ, నాన్న దగ్గరే గారాబం ఎక్కువ.
తనకేమో తరచూ టూర్స్‌ ఉండేవి. దీంతో ఇంటికి రాగానే అందరి మీదా ఫిర్యాదు చేసేదాన్ని. నా ముందు అందర్నీ తిడుతున్నట్టు నటించేవారు నాన్న. నేను సంతోషంగా చప్పట్లు కొట్టేదాన్ని. మా అన్నయ్య గురించీ ప్రత్యేకంగా చెప్పుకోవాలి. తనకు నేనంటే ప్రాణం. స్కూల్‌కు వెళ్తున్నప్పుడూ
వస్తున్నప్పుడూ నా స్కూల్‌ బ్యాగ్‌, టిఫిన్‌ బాక్స్‌.. అన్నీ తానే మోసేవాడు. నాకు కోపం వస్తే.. చిట్టి చేతులతో కొట్టేదాన్ని కూడా.

గగన సఖి..
నిజానికి, నేను ఎయిర్‌ హోస్టెస్‌ కావాలనుకున్నా. అంతలోనే, కథ నచ్చేసి ఓ టీవీ సీరియల్‌కు సంతకం పెట్టాను. మొదట్లో నాన్న వ్యతిరేకించారు. ఇప్పుడు తనే ప్రోత్సహిస్తున్నారు. మంచి ప్రాజెక్టులు ఎంచుకోమని సలహా ఇస్తున్నారు. సినిమాల్లోనూ ప్రయత్నించమని చెబుతున్నారు. ఇప్పటికే ఐదు కన్నడ చిత్రాల్లో నటించాను. తాజా చిత్రం ‘బ్రహ్మరాక్షస’ త్వరలో విడుదల కానుంది. మంచి పాత్ర వస్తే తెలుగులోనూ చేస్తాను. టాలీవుడ్‌లో గొప్ప నటులు ఉన్నారు. వాళ్లతో పనిచేయాలని ఉంది. నేను నటిస్తున్న సీరియల్‌లోనే అమృత అనే అమ్మాయి కూడా చేస్తున్నది. ఓసారి, తనతోపాటు వాళ్ల బాబాయి కూతురు సెట్స్‌కు వచ్చింది. నాకోసం చాక్లెట్లు తెచ్చింది. ఎంత సంతోషంగా అనిపించిందో! ఇలాంటి అభిమానులు చాలామందే ఉన్నారు. వాళ్లకు ఎంతో రుణపడి ఉంటాను.

…? హరిణి