​అఖిల భారత పద్మశాలి సంఘం జాతీయ కార్యదర్శిగా అవడం రంగనాథ్

అఖిల భారత పద్మశాలి సంఘం జాతీయ కార్యదర్శిగా సంగారెడ్డి వాసి శ్రీ అవడం రంగనాథ్ నియమితులయ్యారు.

సంగారెడ్డి : అఖిల భారత పద్మశాలి సంఘం జాతీయ కార్యదర్శిగా సంగారెడ్డి వాసి శ్రీ అవడం రంగనాథ్ నియమితులయ్యారు. ఈ మేరకు సంఘం జాతీయ అధ్యక్షుడు శ్రీ కందగట్ల స్వామి ఆయనను నియమిస్తూ ఉత్తర్వులు జారీ చేశారు. రంగనాథ్ ఇండియన్ కాస్ట్ అకౌంట్స్ సర్వీస్ (ICoAS) 2017 బ్యాచ్ అధికారిగా ఉంటూ, ప్రస్తుతం కేంద్ర ఆర్థిక మంత్రిత్వ శాఖలో ఫైనాన్షియల్ అడ్వైజర్ (డిప్యూటీ డైరెక్టర్) గా సేవలు అందిస్తున్నారు.

రంగనాథ్ నియామకం పట్ల తెలంగాణ పద్మశాలి ఉద్యోగుల సంఘం సంగారెడ్డి-మెదక్ జిల్లాల అధ్యక్షుడు జట్ల భాస్కర్, జిల్లా కార్యవర్గ సభ్యులు హర్షం వ్యక్తం చేశారు. రంగనాథ్‌కు శుభాకాంక్షలు తెలుపుతూ, ఆయన నియామకానికి సహకరించిన జాతీయ అధ్యక్షుడు కందగట్ల స్వామికి ప్రత్యేక ధన్యవాదాలు తెలిపారు.