Visit:
సంగారెడ్డి, మే 15: పోలీసులు విధి నిర్వహణతోపాటు మారుతున్న కాలానికి అనుగుణంగా కంప్యూటర్‌ పరిజ్ఞానం పెంచుకోవాలని సంగారెడ్డి ఎస్పీ పరితోష్‌ పంకజ్‌ అన్నారు. గురువారం పట్టణంలోని ఎస్పీ కార్యాలయంలో జిల్లాలో పోలీస్‌ స్టేషన్లు, సర్కిల్‌, డీఎస్పీ కార్యాలయాల్లో విధులు నిర్వహిస్తున్న టెక్నికల్‌ సిబ్బందికి ఒక్కరోజు శిక్షణ తరగతులు నిర్వహించారు.
ఈ సందర్భంగా ఎస్పీ మాట్లాడుతూ మారుతున్న సమాజానికి అనుగుణంగా కంప్యూటర్‌ పరిజ్ఞానాన్ని అందిపుచ్చుకొని, వివిధ వర్టికల్‌ విభాగాల్లో ప్రతిభ కనబర్చాలని, ఎఫ్‌ఐఆర్‌ మొదలుకొని డాటా ఎంట్రీ, ఈపెట్టి కేసులు, ఈ చల్లాన్‌ నమోదు వరకు ఎలాంటి సందేహాలున్నా శిక్షణతో నివృత్తి చేసుకోవాలన్నారు.
శిక్షణ అనంతరం కూడా ఐటీసెల్‌ సేవలను వినియోగించుకొని, వర్టకల్‌ విభాగంలో జిల్లాను మందు వరుసలో నిలబడానికి కృషి చేయాలన్నారు. కార్యక్రమంలో ఫంక్షనల్‌ వర్టికల్‌ మానిటరింగ్‌ అధికారి, జహీరాబాద్‌ డీఎస్పీ రామ్మోహన్‌రెడ్డి, వర్టికల్‌ కోఆర్డినేటర్‌, డీసీఆర్బీ ఇన్‌స్పెక్టర్‌ రమేశ్‌, ఐటీ సెల్‌ ఇన్‌స్పెక్టర్‌ కిరణ్‌కుమార్‌, ఐటీ పెల్‌ సిబ్బంది సంజీవ్‌, చంద్రశేఖర్‌, రవి, శ్రీకాంత్‌తోపాటు వివిధ పోలీస్‌ స్టేషన్లకు చెందిన టెక్నికల్‌ సిబ్బంది పాల్గొన్నారు.
