వనదుర్గ భవానీ సన్నిధిలో భక్తుల సందడి

పవిత్ర పుణ్యక్షేత్రమైన ఏడుపాయల వనదుర్గ భవానీ సన్నిధిలో ఆదివారం పెద్ద ఎత్తున భక్తుల సందడి నెలకొంది.

పాపన్నపేట, నవంబర్‌ 15 : పవిత్ర పుణ్యక్షేత్రమైన ఏడుపాయల వనదుర్గ భవానీ సన్నిధిలో ఆదివారం పెద్ద ఎత్తున భక్తుల సందడి నెలకొంది. ఆదివారంతో పాటు రెండవ శనివారం సెలవు దినం కావడంతో సుదూర ప్రాంతాల నుంచి భక్తులు పెద్ద సంఖ్యలో తరలివచ్చిన అమ్మవారికి ఒడిబియ్యం, తల నీలాలు, బోనాలు సమర్పించి మొక్కులు చెల్లించుకున్నారు.

వేద బ్రాహ్మణులు అమ్మవారికి ప్రత్యేక పూజలు నిర్వహించారు. భక్తులకు ఇబ్బంది ఎదురవకుండా ఆలయ ఈవో వేరశం, సిబ్బంది సూర్య శ్రీనివాస్‌, మధుసూధన్‌ రెడ్డి, బ్రహ్మచారి, నర్సింలు, ఒత్తిని రాజు, దీపక్‌ రెడ్డి, నరేష్‌ తదితరులు ఏర్పాటు చేయగా, వేద పండితులు శంకర శర్మ, పార్థీవ శర్మ, రాజశేఖర్‌ శర్మ, నాగరాజు శర్మ తదితరులు ప్రత్యేక పూజల్లో పాల్గొన్నారు. ఎలాంటి సంఘటనలు చోటు చేసుకోకుండా పాపన్నపేట ఎస్‌ఐ శ్రీనివాస్‌ గౌడ్‌ తగిన బందోబస్తు చర్యలు చేపట్టారు.