కంపచెట్లల్లో పసికందు

పేగు తెంచుకొని పుట్టిన వెంటనే ఓ కసాయి తల్లి కంపచెట్ల పాలు చేసిన ఘటన నారాయణపేట మండలం అప్పక్‌పల్లి శివారులోని కాటన్‌మిల్లు సమీపంలో చోటుచేసుకున్నది. ఆదివారం స్థానికులు, యువకులు పాప ఏడుపు విని 108 అంబులెన్స్‌కు స మాచారం అందించారు.

నారాయణపేట రూరల్‌, నవంబర్‌ 30 : పేగు తెంచుకొని పుట్టిన వెంటనే ఓ కసాయి తల్లి కంపచెట్ల పాలు చేసిన ఘటన నారాయణపేట మండలం అప్పక్‌పల్లి శివారులోని కాటన్‌మిల్లు సమీపంలో చోటుచేసుకున్నది. ఆదివారం స్థానికులు, యువకులు పాప ఏడుపు విని 108 అంబులెన్స్‌కు స మాచారం అందించారు.

సిబ్బంది వెంటనే ఘటనా స్థలానికి చేరుకొని నవజాత శిశువును చూసి చలించిపోయారు. గాయాలతో శ్వాస తీసుకోవడంలో ఇబ్బంది పడుతున్న శిశువును టెక్నీషియన్‌ శిరిష అంబులెన్స్‌లోనే ఆక్సిజన్‌ పెట్టి ప్రథమ చికిత్స చేసి సమీపంలోని నారాయణపేట జిల్లా దవాఖానకు తరలించారు. వైద్యుడు మహేందర్‌ శిశువుకు వైద్య పరీక్షలు చేసి ఆరోగ్యం మెరుగ్గా ఉందని చెప్పారు. 108 టెక్నీషియన్‌ శిరీష, పైలెట్‌ రాములును దవాఖాన వైద్యులు, స్థానికులు,108 సూపర్‌వైజర్‌ రాఘవేంద్ర అభినందించారు.